Food Garden ETC (已結業)

有人终于考完试就带佢去d2玩，玩之前行吓街睇吓有咩食，见到呢间餐厅坐得都几舒服，最钟意可以坐梳化， lunch价钱亦都唔贵，所以就嚟试吓。食lunch好处就系可以有沙律/汤同埋有冰茶，小朋友点咗大虾蟹肉意粉，见到啲虾好大只，蟹肉配埋意粉一齐食，食入口有啲蒜蓉香味，海鲜嘅咸咸地味道，好味到小朋友可以自己食晒一碟。我就叫咗牛肩肉，牛肩肉比较有口感，牛味会较浓郁，五成熟食入口唔会好韧，我钟意呢个口感，百几蚊食到一块扒，唔系好多地方有，因为本身牛扒唔跟薯条，我哋就加咗$38配咗份黑松露薯条，薯条新鲜炸起，外脆内软，黑松露在薯条表面，味道唔算太出，不过都几香。最后叫咗个心太软俾小朋友，流心嘅朱古力小朋友又点会唔钟意。我自己就点左咖啡雪糕，开头以为只系一杯普通嘅咖啡雪糕，原来系一杯Espresso加云呢拿雪糕，我第一次咁食，原来非常之夹，雪糕有浓浓嘅咖啡，食晒杯雪糕之后，杯咖啡味道又刚刚好，真系极级好味。食完之后小朋友见到呢度有圣诞大餐，见到价钱同埋食物都几吸引，圣诞节又可以多一间餐厅选择呢。