茶舍 (淘大商場2期)

营业中

休息中

从呢间茶餐厅开咗之后，长期食饭时间都见到人龙。呢晚我哋夜晚8点钟去到都要继续排队，所以决定试吓点解茶餐厅都有咁大吸引力😆。佢嘅装修设计比较现代简约风，加添左西式Cafe嘅元素，同传统茶餐厅嘅设计有唔同。食物方面，佢亦有好多西式嘅选择，我哋今次就试咗牛扒同意大利饭。🚩黑椒汁美国安格斯牛扒配薯条 $88呢个价钱都唔会有太大嘅期望，同预期中一样系茶餐厅牛扒嘅质素，但烧汁好正。佢有一啲过百蚊嘅牛扒选择，可能会味道比较好。不过薯条好大份好好食，炸得好脆，身为薯条控嘅我感到非常开心🤣🤣。🚩南瓜野菌皇烤鸡意大利粉 $62呢个意大利饭真系惊艳到我哋，我哋两个讲咗几次话好好食，仲要可以免费饭底加大，唔止系饭量加大，南瓜汁都好足🎃，平时酒水怕啲饭好多但唔够汁。野菌份量好足，不过鸡肉就比较少，呢个价钱都极力推荐一试。🚩蒜香鸡中翼 $32正常发挥。🚩柚子芝士蛋糕 $16跟餐加$16就可以配一个蛋糕，芝士蛋糕配柚子，口感非常fresh，一啲都唔漏。又系极力推荐大家加配一试。