百份百餐廳 (秀茂坪商場)

营业中

休息中

同朋友做完嘢坐低揾啲嘢食吓，去咗一个我唔太熟悉嘅地方就系秀茂坪商场，所以今次负责揾嘢食嘅系我朋友，但系睇完都冇乜嘢特别大吸引力嘅餐厅，所以结果佢话你依间百分百，因为比较稳阵。分别叫咗炸原只鸡髀餐配脆脆薯条，花生酱金砖西多士配炼奶，仲有榄菜肉松炒饭，加埋冻柠茶。炸鸡髀都算几大只同埋好脆，不过好奇怪薯条就系冻嘅，所以就同佢哋讲换返一份，之后来𠮶份就新鲜热辣，好好多。西多士都几好味，今次特登配炼奶唔要糖浆，食落去更加似多士。榄菜肉松炒饭味道完全冇问题，不过亦都冇乜惊喜。想讲今次佢哋嘅服务态度非常之好，所以服务依方面印象好深。