Starry Night

营业中

休息中

今日去咗大角咀一间餐厅度食午餐，佢哋嘅lunch非常之丰富，而且好食。我首先叫左香蒜辣蟹肉扁意粉，一个扁意粉嘅蟹肉非常之多，好足料，而且意粉同酱料嘅味道都好夹，好入味，唔会太腻。然后我地叫左烤纽西兰肉眼排9oz，肉眼扒好香，而且肉质都好食，我仲叫左香煎厚切猪肉眼扒，虽然佢系猪肉眼扒，但佢食落去就好似猪颈肉咁，都几有特色。每个lunch set都会有一个沙律或者汤，最后仲有一杯饮品添。个人会比较推荐佢嘅餐汤，因为佢嘅餐汤好浓郁，而且好足料。饮品方面，估唔到连菠萝特饮同埋柠檬特饮都有得免费加配，如果钟意特饮嘅话不妨叫下依两个。