遇見小麵 (黃埔天地奇妙坊(第1期))

营业中

休息中

前几日返大陆有经过呢间小店，但太多人无入到去，唔讲唔知原来已经杀到香港！唔同时段有唔同超值套餐，整体价钱当然会比大陆贵，但喺香港嚟计真系好抵食。朋友唔太识得辣，要咗个葱油拌面share，估唔到有惊喜，好大一碗，捞埋下面嘅配料同调味真系几好味㗎。我哋仲加咗青菜同卤蛋，多啲配料好食啲。另外有个抄手，份量比想像中多，汤底清甜，粒粒饱满，细食嘅一碗已经可以好饱。小食方面我最钟意葱油饼，微微脆身，内里软糯，而且完全唔油，自己一个人可以食晒😂 第二就系只鸡，半只份量，皮够薄，肉质几滑，性价比超高。炭烤腿肉串都唔错，点埋酱汁更惹味。小店有提供多款饮品同甜点，我会推介酸梅汤，偏甜多过酸，但食呢啲嘢真系好解渴。朋友就钟意白玉厚椰乳，话饮落顺滑越饮越过瘾。甜品要埋琥珀冰粉，见唔少人点，又冻又甜为呢餐作个完美总结。