咖吔

营业中

休息中

之前午餐已经食过佢哋火山排骨，觉得好好食，今日同同事再食，果然冇令我失望！马来炒贵刁超好食，之前自己比较少食咁多淀粉质，朋友仔落单一于食少少！落咗小小辣椒超惹味劲香，入面有大虾、腊肠、鸡肉等等全部都好丰富！海南鸡饭本身都钟意食海南鸡，配上酸辣汁真系好好食！佢哋嘅鸡肉唔会太肥，肥瘦适中，加埋少少鸡皮送饭就最啱！班兰咖加央多士本人好钟意食牛油😍呢个就啱我有香甜加央，然后又有厚厚嘅牛油，咸甜混合超级好味！玫瑰荔枝沙冰因为好热呀，所以同男朋友仔就拣咗呢个沙冰，佢话荔枝味好香唔会得个死甜香茅青柠荔枝打推介呢个有得少甜，清清地夏天就最啱啦！