Around Wellington (已結業)

最近好似好少食西餐，系时代广场后面有间西餐好似几抵咁！啱晒我呢啲选择困难症嘅人,因为有二人餐😂仲要佢间店内播既全部都系本地音乐🎶听得好开心佢个二人餐有五道菜！最平嘅话$438就已经可以埋单！首先会嚟咗沙律同汤🥗好少见会有中华沙律加菜嘅配搭😂加咗啲蟹籽个味道都唔错！我觉得个汤值得加分～我第一次饮西兰花嘅汤！好饮主菜我哋试左威灵顿牛柳！因为佢系即刻整，所以等耐少少都唔紧要😬上碟个样圆辘辘几靓仔～以前食威灵顿牛扒觉得冇乜太大特别，好似食普通牛扒仲好食啲！但系依个牛柳令到我改观～个牛味都几浓郁，蘑菇肉酱好好食😋仲要个牛系一切就开！另外一个主菜叫左蟹籽蟹肉盖饭配松叶蟹甲罗烧🦀佢啲蟹籽同蟹肉嘅份量系海量！仲要上面加埋啲饭素，令到个味冇咁寡😶同埋佢真系用原只蟹盖，好有心思～如果个饭有多少少酱汁就100分！最后我哋叫咗士多啤梨Hand Shaken Iced Tea 同菠萝Fruit Soda~大热天时饮冻嘢超级正！同埋好欣赏佢入边真系有果肉！好解渴同好好饮🥂以甜品方面就有个牛奶奶冻～本身个样好似平平无奇咁，食落去超级有惊喜！牛奶味超级浓郁～成餐饭加埋依个甜品系一个美好嘅总结🍮