影片
更多
2024-11-03
57 浏览
差唔多个个星期日都要喺荃湾西揾食，食嚟食去都系𠮶啲餐厅，食到有啲闷。咁啱发现呢间餐厅，见佢冇喊脸，决定一试。餐厅位于AEON food court，虽然系food court，但都坐得舒服。我哋揾咗靠墙嘅位置，自成一角，感觉唔错。本来想点$38推介，点知原来星期一至五先有。不过，呢到嘢食唔贵，冇都唔紧要。点咗以下食品﹕温泉蛋酱油牛肉丼 ($52)﹕好大份，冇谂过会咁大碗，非常抵食！温泉蛋汁丰满，完全足够包住每粒饭，蛋汁包饭真系好好食，令人不知不觉食哂成碗！牛肉份量好多，老公赞啲姜好食添！同埋碗饭好够热，赞！厚切吉列猪扒蛋包饭($63)﹕卖相吸引！而且好大碟！钟意佢只蛋唔系全熟，有蛋汁包住。拣咗蘑菇汁，同个饭又几夹，仲有蘑菇食添。配菜系茄子，虽然未见过蛋包饭用呢样做配菜，但我好满意，因为好多时出街食饭都冇咩菜食到。呢碟饭又食热辣辣架，赞！三拼薯饼($27)﹕所有薯饼都好足料，紫薯薯饼好紫薯，南瓜薯饼又好足南瓜料，咖喱薯饼就浓浓咖喱味。唐扬炸鸡($38)﹕热辣辣炸起，每粒都大大嚿。北海道芝士薯波 ($28)﹕细细粒，易入口。SIZE唔大，对于叫咗两个饭嘅我哋嚟讲，呢个小食SIZE够细，过到
餐厅位于AEON food court，虽然系food court，但都坐得舒服。我哋揾咗靠墙嘅位置，自成一角，感觉唔错。
本来想点$38推介，点知原来星期一至五先有。不过，呢到嘢食唔贵，冇都唔紧要。
点咗以下食品﹕
温泉蛋酱油牛肉丼 ($52)﹕好大份，冇谂过会咁大碗，非常抵食！温泉蛋汁丰满，完全足够包住每粒饭，蛋汁包饭真系好好食，令人不知不觉食哂成碗！牛肉份量好多，老公赞啲姜好食添！同埋碗饭好够热，赞！
厚切吉列猪扒蛋包饭($63)﹕卖相吸引！而且好大碟！钟意佢只蛋唔系全熟，有蛋汁包住。拣咗蘑菇汁，同个饭又几夹，仲有蘑菇食添。配菜系茄子，虽然未见过蛋包饭用呢样做配菜，但我好满意，因为好多时出街食饭都冇咩菜食到。呢碟饭又食热辣辣架，赞！
三拼薯饼($27)﹕所有薯饼都好足料，紫薯薯饼好紫薯，南瓜薯饼又好足南瓜料，咖喱薯饼就浓浓咖喱味。
唐扬炸鸡($38)﹕热辣辣炸起，每粒都大大嚿。
北海道芝士薯波 ($28)﹕细细粒，易入口。SIZE唔大，对于叫咗两个饭嘅我哋嚟讲，呢个小食SIZE够细，过到口瘾又唔会太饱，系唔错嘅选择。
御翠乌龙茶及草莓荔枝绿茶 (各+$9)﹕冇糖，够冻！
餐厅食物份量大，味道唔错，性价比高。
张贴
