Tuned Coffee & Roastery

营业中

休息中

闲日特登约朋友出去Cafe今次拣咗呢一间，个人觉得都几高质。餐厅装修以白色主，空间唔算大，咁啱我哋中午时分过去唔知特别多人，但如果坐满人的话应该都会几逼下。另外餐厅门口前面放左几盆植物，俾食客打下卡。日式烧鸡腰果仁沙律沙律材料都丰富，有腌渍姜、青瓜、番茄仔、沙律菜、牛油果泥、果仁、鸡肉配上中东芝麻酱，同埋蛋黄酱，鸡肉做法就有d似日式串烧鸡肉嘅味道，好食嘅。松露油忌廉大啡菇猫耳松露味突出，猫耳朵烟烟韧韧，好有口感，而且每一啖意粉都被黑松露味包裹住 好味。大啡菇份量都足。All day breakfast 睇出呢个all day都几有诚意，配料款式多，不过美中不足嘅点系烟肉有少少硬，但系热辣辣嘅bagel将它拉满返小小分数。整体上食物嘅质素出品都可以，份量同价钱成正比，睇得出小店经营都非常之用心。