影片
更多
2021-01-10
693 浏览
今日喺呢个商场行完街之后见到好多人喺门口等紧就吸引咗我嘅目光睇一睇佢个午餐餐牌其实都几实惠就决定试下 佢午餐可以配一份主食同埋拣一个小食 仲包埋杯饮品因为喺附近茶餐厅食都要五十几蚊而家佢连埋所有嘢都系六十几蚊我觉得非常之超值到我地有位，坐低嘅时候店员话而家有小笼包可以试下 咁我哋就二话不说叫咗一笼试下 再慢慢睇餐牌因为我哋都几钟意食小笼 估唔到佢呢度有我就要咗一个秘制厚切猪扒汤面 而友人就要咗糖醋排骨菜饭 小食当然配佢嘅主打生煎包小笼包冇耐就嚟咗 一碟有4只热辣辣蒸起非常之皮薄 建议大家都系夹𠮶个小笼包接口位 如果唔系穿左啲汤汁就会飞晒出嚟 入面非常多汁好好食 由于同友人一人只系食得2只 有啲唔够喉决定加多一笼等紧嘅期间生煎包就嚟啦就系另一种嘅口感体验 皮唔会太厚但系冇小笼包咁薄 里面亦都系好多汤汁但系个底就有啲脆口 食起嚟口感唔同 个人比较钟意食生煎包 其实两样都好味佢主打生煎包 固然好味系唔出奇 但系佢个秘制猪扒估唔到都咁好味 食起嚟有少少似叉烧 但系又冇叉烧咁甜同埋干身 而且份量唔少 推介另外个糖醋排骨菜饭 本身就系睇中佢个菜饭 比起白饭食得更开胃呢个糖醋排骨酸酸甜甜 排骨唔会太
睇一睇佢个午餐餐牌其实都几实惠
就决定试下 佢午餐可以配一份主食同埋拣一个小食 仲包埋杯饮品
因为喺附近茶餐厅食都要五十几蚊而家佢连埋所有嘢都系六十几蚊我觉得非常之超值
到我地有位，坐低嘅时候店员话而家有小笼包可以试下 咁我哋就二话不说叫咗一笼试下 再慢慢睇餐牌因为我哋都几钟意食小笼 估唔到佢呢度有
我就要咗一个秘制厚切猪扒汤面
而友人就要咗糖醋排骨菜饭 小食当然配佢嘅主打生煎包
小笼包冇耐就嚟咗 一碟有4只
热辣辣蒸起非常之皮薄 建议大家都系夹𠮶个小笼包接口位 如果唔系穿左啲汤汁就会飞晒出嚟 入面非常多汁好好食 由于同友人一人只系食得2只 有啲唔够喉决定加多一笼
等紧嘅期间生煎包就嚟啦就系另一种嘅口感体验 皮唔会太厚但系冇小笼包咁薄 里面亦都系好多汤汁但系个底就有啲脆口 食起嚟口感唔同 个人比较钟意食生煎包 其实两样都好味
佢主打生煎包 固然好味系唔出奇 但系佢个秘制猪扒估唔到都咁好味 食起嚟有少少似叉烧 但系又冇叉烧咁甜同埋干身 而且份量唔少 推介
另外个糖醋排骨菜饭 本身就系睇中佢个菜饭 比起白饭食得更开胃
呢个糖醋排骨酸酸甜甜 排骨唔会太鞋
酱汁拎嚟捞饭真系非常一流
总括嚟讲呢度嘅生煎包 绝对对得住个餐厅名 而其他食物好有惊喜冇估到会咁好食 唔怪得真系咁多人排队
之后都会系我嘅收藏列之一
张贴
