志 (已結業)

依间新开Omakase都算几抵食，$1200一位有25道菜，不过就冇得坐吧枱睇住师傅整，因为吧枱好似得4,5个，所以侍应安排左我同朋友坐4人台。如果想坐吧枱ge朋友最好预早request左先。25道菜包括有前菜冬菇蚬肉，深海池鱼刺身，狮鱼，䲠鱼，竹签鱼，乌鱼白子，𩽾糠鱼干，李芋煮，鲷鱼寿司，甜虾寿司，秋刀鱼寿司，大拖罗，中拖罗，赤身，黑目鱼，北海道白海胆，烧北寄背，北海道蟹，沙甸鱼，三文鱼籽，烧鳗鱼，左口鱼边军舰，海马鱼，鲭鱼，日本蜜瓜。食物用料都好讲究，全部都系时令最靓嘅食材，非常新鲜，做法亦唔系一般刺身寿司炸物渍物等大路嘢。例如熟成鱼生，熟成时间同温度要控制得好好，否则好易变质食坏肚皮，熟成后嘅鱼生味道更浓郁。较特别有三文鱼籽，味道同外面唔同，师傅磨左柚子皮调味，令三文鱼籽有阵清新柚子味，而且令味道更鲜甜！另外烧鳗鱼都十分推介！火候啱啱好，而且鳗鱼肉质十分弹牙。𩽾𩾌鱼肝同乌鱼白子口感都好Creamy，入口即溶无腥味。虽然冇得坐吧枱，但侍应服务都好好，不时会加茶同询问对食物意见同满意度。$1200黎讲性价比都几高！如果有得坐吧枱食就完美啦！