SAVVY

Savvy系Macro Polo酒店旗下新开嘅餐厅，庆祝朋友升职加薪，所以拣间高级少少，又未试过嘅餐厅。Savvy座位宽阔，因为冇订位，所以可以Walk in有位都几幸运～价钱方面成人$268 加一，小童$168加一，包一杯茶/咖啡，加$20可以有甜品。建议大家一坐低就点咗个主菜先，因为上菜时间到偏慢，等候嘅时候，就可以出去拎啲前菜、冷盘，包括各式各样嘅沙律，是日餐汤，火腿，青口，烟三文鱼等食物～种类当然比其他酒店buffet选择少，但Semi buffet黎讲都唔错。主菜建议大家点选咖喱，因为摆放精致，咖喱味十分之香浓，羊肉味又唔会太劲，不过如果有多种肉类选择，会比较好。份量十足，一个女仔食跟本食唔哂，奉劝大家前菜唔好食咁多。个餐有一块薄饼、印度炒饭、咖喱角等等睇埋朋友点𠮶个香辣带子炒面，你就会明白，睇吓份量几惊人，跟本够2个人食。炒面镬气十足， 10分有水准。最后点左个卖相10分精美嘅柠檬蛋糕，酸酸甜甜，配杯咖啡，消消滞。如果大家希望庆祝朋友生日或一啲节日嘅庆祝，不妨可以嚟呢间餐厅试吓，始终属于酒店嘅餐厅，服务态度都10分好，环境亦唔错。