一幻拉麵 (已結業)

今日见经 app 订位有50% off，就决定去试下一幻既虾汤拉面。佢半价既优惠只系 1100 先有，所以要一早去。唔知系咪因为 1100 去到佢冇咩人，所以个 staff 好详细咁介绍左佢地唔同面同汤底既特色。🤩咁黎到就一定要试下招牌虾汤拉面，佢既原味汤底系冇加入豚骨煮，盐味亦系佢最清淡既选择，所以拣盐味既原味汤底就会系最纯正既虾汤。🥰 成碗面一黎到就闻到好香既虾味，可惜佢既拉面挂汤力唔强，所以拉面系冇咩虾味。🙁 而只蛋都有少少熟，溏心既效果唔强。🤦🏻‍♀️ 个两块豚肉好薄，系半肥瘦，但系好落就有少少油。😶 不过值得一赞既系，食完成碗面个一阵虾味会系个口停留好耐，所以佢既虾味真系好浓😋（不过只系个汤而唔系个拉面😂）。整体而言，半价系抵食既，但如果冇半价就唔使特别去试佢既虾汤。🙈