小火焰韓式咖啡廳 (觀點中心) (已結業)

礼拜五，听朋友介绍话观塘有间食韩国野嘅几精致，一于就信佢试下系咪咁掂。间餐厅唔难稳，向亚太中心入面，属开放式，空间都几宽敞，因为同层只得呢一间餐厅，环境都算几安静，坐落几舒服，完全系夜晚黑同朋友仔轻松食餐韩国料理嘅好地方。仲有电视睇！😍😍😍😍餐牌上面嘅菜式都几丰富，仲有d几抵食下嘅二人餐同四人餐比客人选择。😆我就当然捡d我未食过嘅韩国菜试下，我就叫左蟹肉炒淮山面($88)，朋友就叫左嘅韩式煎杂菜虾饼($58)，同一个酱油虾配糖心蛋手握紫菜饭($68)。😍😍先讲翻我我叫嘅蟹肉炒淮山面，个酱汁调得岩岩好，唔会太洁，而又令每一条面都挂上味道香浓嘅酱汁，食落爽口而不腻，而d蟹肉都算有翻蟹本身嘅鲜甜味，再连埋粒粒噗噗脆，味道咸鲜嘅蟹子一齐食，无论系味道上同口感上都好有层次，总之一个字: 爽！😚而朋友叫个个虾饼都值得推荐，虾饼唔会煎到唔太多油，面头嘅杂菜同个虾饼都几夹，一齐食落香口之余，又唔会太油腻。😆而道酱油虾，因为上得比其他两道慢，我就最尾先食啦。其实我就一直好想试韩国几出名嘅酱油蟹，但一直无机会，呢次就试个酱油虾顶住先。😆😆😆😆其实都算惊喜，只虾系生嘅，但用d特制嘅酱油腌著，几乎无晒d腥味，