滿屋日本料理 (已結業)

今次黎到疫情后，无食已久既放题喇，铜锣湾呢间叫满屋既日式放题，虽然疫情下，但食物质素仲反而高左，食物种类都多左几款，果然系唔错，有水准既日式放题。环境方面，座位之间有间隔，坐底食都够晒安心同放心，疫情下就最紧要食得安心呀嘛，而店内都有唔少装饰，加左好多类似donki果d既日本字字牌，真系岩晒香港人口味，感觉好热闹唔会话好冷清咁。食物方面，食放题就梗系一黎就叫左个冷盘先喇，咁叫左三文鱼刺身，刺身有光泽，几水润，食落有鱼味，唔会好淡，口感弹牙新鲜。甜虾够晒干净，而且肉质唔会霉有弹性，钟意食虾既朋友可以主力食。烧物方面，本人就最钟意佢个烧牛舌，够晒香口，落少少黑椒调味，送梅酒就真系一流。呢间野性价比几高，值得黎试下。