御品·千之味 (大全街) (已結業)

突然想食日本野，见网上有人介绍里间新店，于是决定试下新野。舖头面积唔大，成间舖头既装修都好日式，四周都摆左日本酒做装修，仲有啲假樱花，朋友仲笑话如果唔系甘多人，可以帮我打卡。舖头有样好甜心既位，枱面分别有两种酱油，白色樽既系食刺身用，矮个樽就系食寿司用。点左个带子刺身试下，带子好肥美，亦都好鲜甜。寿司方面：火炙三文鱼同火炙芝士鳗鱼初时惊芝士味会抢哂味，但完全唔会，火炙烧过既味同芝士味好夹，令成件事更香，三文鱼亦入口即溶。之后点左个御品·千之味卷，见个名系用舖头名命名，感觉应该几招牌，千之味卷有齐三款唔同口味既寿司，有海胆、鱼子同鲔鱼，虽然成份千味卷既价钱都唔贵，但海胆都几出色，味道甘甜，质感细腻，入口即溶。最后系蒜香三文鱼带子炒饭，用既系炸蒜，食落啖啖都好香，而且三文鱼都有好多。最后店员仲会送上紫薯味既迷你雪米磁，好特别。