影片
更多
2012-09-07
132 浏览
邊爐癮起，要去止一止，附近稻香雖然按碟計，但我地兩個食量唔大，無咩所謂。本身都想食豬骨湯底，見佢做緊$1！諗都唔駛諗就要啦~ 老老實實，佢d火鍋料都按碟計唔係平，唔講特別料，佢有分$48 (如：肉/蝦/魷魚)/$38(如：鵝腸/丸)/$28(如：餃類/菇)/$18(如：菜類)，加埋加一呀，醬料呀，茶錢咁，我都有d期望。佢個一蚊豬骨湯鍋都算係咁，有幾舊豬骨(不過真係一d肉都無~~)，兩件蘿蔔、兩件紅蘿蔔、四塊炸枝竹，個湯既味道都幾濃，呢樣真係抵食，不過其他料就只可以用差來形容：特價肥牛 ($38) x 2：唔知點解刀工咁好，一片片真係薄到透，有7片左右，唔知點解肥牛可以無牛味，又唔夠肥……雲吞拼水餃 ($28)：上碟個樣已經唔知雪左幾耐，食落完全唔新鮮，一pat野咁，寧願食x仔碼頭……牛丸拼蟹柳 ($28)：黎到先知係黑椒牛丸 (唔鍾意食)，但佢張紙又無列明，搞錯！個幾條長過平時見到既畸形蟹柳，又係無味，食粉團，真係火都黎，食唔落！娃娃菜 ($18)：又係見到唔開胃，都唔係新唔新鮮既問題，我覺得係唔衛生，d菜一定無洗過，不特止，爛左變色個d你都處理下好喎，無！你唔好叫我落田自己摘！韮菜苗
本身都想食豬骨湯底，見佢做緊$1！諗都唔駛諗就要啦~ 老老實實，佢d火鍋料都按碟計唔係平，唔講特別料，佢有分$48 (如：肉/蝦/魷魚)/$38(如：鵝腸/丸)/$28(如：餃類/菇)/$18(如：菜類)，加埋加一呀，醬料呀，茶錢咁，我都有d期望。
佢個一蚊豬骨湯鍋都算係咁，有幾舊豬骨(不過真係一d肉都無~~)，兩件蘿蔔、兩件紅蘿蔔、四塊炸枝竹，個湯既味道都幾濃，呢樣真係抵食，不過其他料就只可以用差來形容：特價肥牛 ($38) x 2：唔知點解刀工咁好，一片片真係薄到透，有7片左右，唔知點解肥牛可以無牛味，又唔夠肥……
雲吞拼水餃 ($28)：上碟個樣已經唔知雪左幾耐，食落完全唔新鮮，一pat野咁，寧願食x仔碼頭……
牛丸拼蟹柳 ($28)：黎到先知係黑椒牛丸 (唔鍾意食)，但佢張紙又無列明，搞錯！個幾條長過平時見到既畸形蟹柳，又係無味，食粉團，真係火都黎，食唔落！
娃娃菜 ($18)：又係見到唔開胃，都唔係新唔新鮮既問題，我覺得係唔衛生，d菜一定無洗過，不特止，爛左變色個d你都處理下好喎，無！你唔好叫我落田自己摘！
韮菜苗 ($18)：算係正常d既野，起碼食落覺得新鮮。
其實呢餐都唔知自己食左d咩，就算唔飽都唔想再加料。。稻香呢個名咁響，平時飲荐都覺得幾好，但打邊爐竟然差成咁，好無誠意，不如專注返小菜算啦。
仲有，其實個侍應姐姐服務都好好，不過十幾台得佢一個人，應都應唔切！隔離台同我地差唔多時間到，我d食完咁濟佢d野食都未到，催左幾次發晒爛渣，唔知邊度出問題！仲有一台，話叫左加水好耐無人理，出到去門口叫台個度投訴。人手唔夠就請人啦，食到人一肚火！
张贴
