影片
更多
2012-09-07
125 浏览
边炉瘾起，要去止一止，附近稻香虽然按碟计，但我地两个食量唔大，无咩所谓。本身都想食猪骨汤底，见佢做紧$1！谂都唔驶谂就要啦~ 老老实实，佢d火锅料都按碟计唔系平，唔讲特别料，佢有分$48 (如：肉/虾/鱿鱼)/$38(如：鹅肠/丸)/$28(如：饺类/菇)/$18(如：菜类)，加埋加一呀，酱料呀，茶钱咁，我都有d期望。佢个一蚊猪骨汤锅都算系咁，有几旧猪骨(不过真系一d肉都无~~)，两件萝卜、两件红萝卜、四块炸枝竹，个汤既味道都几浓，呢样真系抵食，不过其他料就只可以用差来形容：特价肥牛 ($38) x 2：唔知点解刀工咁好，一片片真系薄到透，有7片左右，唔知点解肥牛可以无牛味，又唔够肥……云吞拼水饺 ($28)：上碟个样已经唔知雪左几耐，食落完全唔新鲜，一pat野咁，宁愿食x仔码头……牛丸拼蟹柳 ($28)：黎到先知系黑椒牛丸 (唔钟意食)，但佢张纸又无列明，搞错！个几条长过平时见到既畸形蟹柳，又系无味，食粉团，真系火都黎，食唔落！娃娃菜 ($18)：又系见到唔开胃，都唔系新唔新鲜既问题，我觉得系唔卫生，d菜一定无洗过，不特止，烂左变色个d你都处理下好㖞，无！你唔好叫我落田自己摘！韮菜苗
本身都想食猪骨汤底，见佢做紧$1！谂都唔驶谂就要啦~ 老老实实，佢d火锅料都按碟计唔系平，唔讲特别料，佢有分$48 (如：肉/虾/鱿鱼)/$38(如：鹅肠/丸)/$28(如：饺类/菇)/$18(如：菜类)，加埋加一呀，酱料呀，茶钱咁，我都有d期望。
佢个一蚊猪骨汤锅都算系咁，有几旧猪骨(不过真系一d肉都无~~)，两件萝卜、两件红萝卜、四块炸枝竹，个汤既味道都几浓，呢样真系抵食，不过其他料就只可以用差来形容：特价肥牛 ($38) x 2：唔知点解刀工咁好，一片片真系薄到透，有7片左右，唔知点解肥牛可以无牛味，又唔够肥……
云吞拼水饺 ($28)：上碟个样已经唔知雪左几耐，食落完全唔新鲜，一pat野咁，宁愿食x仔码头……
牛丸拼蟹柳 ($28)：黎到先知系黑椒牛丸 (唔钟意食)，但佢张纸又无列明，搞错！个几条长过平时见到既畸形蟹柳，又系无味，食粉团，真系火都黎，食唔落！
娃娃菜 ($18)：又系见到唔开胃，都唔系新唔新鲜既问题，我觉得系唔卫生，d菜一定无洗过，不特止，烂左变色个d你都处理下好㖞，无！你唔好叫我落田自己摘！
韮菜苗 ($18)：算系正常d既野，起码食落觉得新鲜。
其实呢餐都唔知自己食左d咩，就算唔饱都唔想再加料。。稻香呢个名咁响，平时饮荐都觉得几好，但打边炉竟然差成咁，好无诚意，不如专注返小菜算啦。
仲有，其实个侍应姐姐服务都好好，不过十几台得佢一个人，应都应唔切！隔离台同我地差唔多时间到，我d食完咁济佢d野食都未到，催左几次发晒烂渣，唔知边度出问题！仲有一台，话叫左加水好耐无人理，出到去门口叫台个度投诉。人手唔够就请人啦，食到人一肚火！
张贴
