影片
更多
2016-06-30
14352 浏览
父亲节前一日去饮茶 谂住会好多人点知又无㖞 只系前面有两个人等紧一张枱等位期间无野做望下知客有乜搞作本身佢皮肤偏黑加上全程黑面 可谓相得益彰酒楼位于旅游区 自然有外国人黎有两个唔知韩国定日本女仔入黎 唔识英文知客同佢鸡同鸭讲 神情语气摆明劲唔想应酬佢到排我前面两个人有位 因为佢地自己倾计倾得太投入听唔到叫飞 个知客系佢自己个位劲大声不断重复丧叫顶 全场得我唔系就佢等梗位你行过去叫一声唔会即刻断脚嘛如果返工容许讲粗口 佢应该好乐意系佢自己个位直接大声问候人地娘亲了到我有位 佢系张纸仔写低枱号同几多位我拎住张纸仔行上楼睇 上到去无人带位都算问阿姐指我行去右边 问题系我行去右边都唔知边张枱系98号架佢又唔系好似一般酒楼咁有个三角牌清楚写住枱号后来先发现佢将个枱号刻系一个入住点心纸o既皮套上但个套系平放枱面 啲客行过点自己揾枱号呢唔想请咁多人服侍客就自己系配套上做好啲先啦之后行到右边见到有张四人枱有个阿姐执梗虽然睇唔到枱号 但我谂我地三个人应该系安排坐呢张于是企定系到等佢执 忽然另一个阿姐叫我地去窗边已经执好o既大枱坐咁我地照行过去 谂住畀得大枱转头可能都要同人搭枱不过窗边景又好啲 所以无所谓
父亲节前一日去饮茶 谂住会好多人点知又无㖞 只系前面有两个人等紧一张枱
等位期间无野做望下知客有乜搞作
本身佢皮肤偏黑加上全程黑面 可谓相得益彰
酒楼位于旅游区 自然有外国人黎
有两个唔知韩国定日本女仔入黎 唔识英文
知客同佢鸡同鸭讲 神情语气摆明劲唔想应酬佢
到排我前面两个人有位 因为佢地自己倾计倾得太投入
听唔到叫飞 个知客系佢自己个位劲大声不断重复丧叫
顶 全场得我唔系就佢等梗位
你行过去叫一声唔会即刻断脚嘛
如果返工容许讲粗口 佢应该好乐意系佢自己个位直接大声问候人地娘亲了
到我有位 佢系张纸仔写低枱号同几多位
我拎住张纸仔行上楼睇 上到去无人带位都算
问阿姐指我行去右边 问题系我行去右边都唔知边张枱系98号架
佢又唔系好似一般酒楼咁有个三角牌清楚写住枱号
后来先发现佢将个枱号刻系一个入住点心纸o既皮套上
但个套系平放枱面 啲客行过点自己揾枱号呢
唔想请咁多人服侍客就自己系配套上做好啲先啦
之后行到右边见到有张四人枱有个阿姐执梗虽然睇唔到枱号 但我谂我地三个人应该系安排坐呢张
于是企定系到等佢执 忽然另一个阿姐叫我地去窗边已经执好o既大枱坐
咁我地照行过去 谂住畀得大枱转头可能都要同人搭枱
不过窗边景又好啲 所以无所谓啦
点知我地坐低左就hihi了 两个阿姐系到嘈交
执梗张四人枱𠮶件 vs 叫我地坐窗边𠮶件
执梗四人枱𠮶件睇唔过眼我地三个人竟然坐大枱
但叫我地坐大枱𠮶件又唔听佢支笛
佢地系到嘈 完全无视我地三个 无人同我地开位开茶
我地又唔知要唔要搬位 苦等无用
最后我地咱有自己揾其他侍应开位开茶
吹胀
根本间酒楼本身就无乜细枱 我地侧边几张窗边大枱都系得两三个人坐同埋父亲节前夕都仲有唔少吉左o既大枱
我地要等位系因为佢地唔想放大枱畀排我前面𠮶两个人同我地三个人咋嘛
仲有系到逗留两个钟 我视线范围前前后后五六张枱都怨声四起
唔系嘈无人落点心 就系嘈无人加水 又或者等左成世都无人埋单
有啲嬲到话想唔畀钱走人 反正佢地都唔愿收........
鲍鱼汁炆凤爪
$42
70 浏览
0 赞好
0 留言
上点心速度几快 鲍鱼汁炆凤爪($42)做得唔错
够入味 同埋钟意佢唔会炆到淋patpat
淋得黎又有返少少咬口 唔会一咬就散到甩皮甩骨
桂林煎虾饼
$39
62 浏览
0 赞好
0 留言
我老豆仲以系佢系煎鱼饼 以大点黎讲唔值
韭黄鲜虾肠粉
$41
64 浏览
0 赞好
0 留言
遗憾系我无打直同佢影一张相
我由前世都未食过肠粉皮可以厚过面皮厚o既人
口感至少有3毫米厚 佢系厚到点吸豉油都会觉得好淡
我好怀疑啲虾唔系煮熟而死 而系畀块肠粉皮焗死
虾啊虾 你死得好惨呀
原只鲍鱼荷叶饭
$48
61 浏览
0 赞好
0 留言
睇相见佢几大只而且卖$48 估计份量唔细
但黎到之后深深明白到"图片只供参考"的不变定律
大细连糯米鸡都比唔上
58 浏览
0 赞好
0 留言
啲米碎又鞋口 完全唔知自己食紧乜
荷叶香更加唔驶谂啦
鲜竹鱼肚滑鸡扎
$33
67 浏览
0 赞好
0 留言
鱼肚同鸡又滑又入味 仲有我最爱𠮶条火腿
由细到大食鸡扎都系为左追求𠮶条火腿
但而家有啲酒楼已经out左佢
而且佢仲加左条扮𠮶条火腿o既鸡脾菇XDD
鸡脾菇够厚肉 索哂啲汁软软滑滑好正
雨花海蜇头
$51
63 浏览
0 赞好
0 留言
可惜输哂系个汁到 本来我以为佢畀我𠮶兜系酸汁
点左放落口鬼咁苦先知原来系芥辣
但芥辣会咁苦依然系一个迷
之后无再点个酱 只系得返淋左系海蜇o既麻油味
本身海蜇就无乜味加上麻油系香但味道偏淡
所以成碟野好淡口
京葱煎烹胡椒
$48
73 浏览
0 赞好
0 留言
个饀太浓味 死咸死咸好很味精
口感上食唔到有料 总之咬到里面成口都只系酱
包又煎得唔够香口 金玉其外败絮其中
紫米鲜椰露
$25
69 浏览
0 赞好
0 留言
估唔到反而畀我系呢啲消费水平较高o既酒楼终于遇上
呢碗野就好似琴晚佢地晚市送净o既糖水再加工
第二日沟水拎出黎卖 椰汁好稀好淡唔甜
紫米睇黎琴晚已经挖哂畀客所净无几
所以得返几粒系到点缀下
虽然话只系小点 但都要廿几蚊
驶唔驶差到咁离地呀
成间酒楼系得个窗外景好 但个景又唔系佢制造o既系咁难食o既野同咁差o既服务底下 令个景睇落都无咁开心
间酒楼系污染紧个景啰
价钱比一般酒楼贵一倍有多 回报系难食返一倍有突
系旅游区做生意仲要啲服务差到咁
香港名声真系要多谢你
我其实唔系第一次黎 上一次情况大不同
虽然系贵 但无而家咁贵
虽然唔叫好好食 但有靓景安慰住都可以接受 同埋唔会到难食
𠮶时服务唔错 总之感觉贵得黎都仲值
而家唔知做乜变左下三流贱质
佢系差到我唔会想畀多次机会佢睇下将来又无变好！
张贴
