醉串 (已結業)

环境：装修普通，唔系好有居酒屋嘅感觉。而且日式韩式嘅食物都有，咁即系你专门边样呢？厚切牛脷串烧：估唔到厚切都可以咁淋！一咬即刻咬得开，配合少少盐调味，可谓一绝，一人一串都唔够！饺子鸡翼： 由于酿咗饺子喺入面，所以只鸡翼涨卜卜，好吸引要即刻食。点知就好热，差啲辣亲！咬开啲肉汁就流出嚟，好juicy而鸡翼又脆口，好惹味！鸡肾：妄想用牙扯佢出嚟，扯到牙都差啲甩，心谂唉呢个应该系全晚最差嘅食物喇，点知咬落先知哇好爽脆！真系唔放落口都唔知你禾秆噤珍珠！鸡翼：好似饺子鸡翼咁，外脆内软，入面嘅肉汁被锁住，另一惹味嘅食物，一定要再encore！唯一可惜嘅系，点解夜晚得好细碗嘅冻乌冬或汤乌冬拣？Lunch就有牛肉猪肉海鲜等乌冬。虽然串烧店系应该食串烧，但如果有啲大碗嘅热食例如饭乌冬等会更好。但整体嚟讲系抵食嘅！