Next Station Dessert (已結業)

环境：轻松，入到嚟系暖但唔热。有型格吧台，隔离有啲大黑板画咗几种招牌甜品。甜品亦都好创新，例如健力士啤酒朱古力慕丝，而且心太软嘅馅系自己调配，有诚意紫薯窝夫配云尼拿雪糕($62)：好容易切，外脆但内里好松软！入面夹咗好多紫薯蓉，而且味道算香浓！雪糕软滑香浓绿茶心太软配野莓乳酪雪糕($58)：形状好可爱，唔似平时火山形。上面啲红豆，好期待.... 轻轻拮落去，Wow！！！你赢咗！！！啲绿茶朱古力系流出嚟，其实流心嘅心太软系基本，但奈何而家好多地方系整心太硬㗎！个心太软劲靓，入面系鲜绿色，未食已经流口水！第一啖已经欲罢不能，唔会好甜但绿茶味浓，食完都唔会觉得好漏。乳酪雪糕酸酸，仲有野莓粒，正好中和咗心太软嘅甜服务：有礼貌，上菜时会温馨提示讲声“趁热食”仲要一赞嘅系，呢度播好多广东歌！多谢你支持广东歌！