1+2 餐廳 (已結業)

喺旺角想同朋友食簡單D又可傾下計，估唔到呢間1+2豬扒餐廳又幾fit。首先裝潢喺旺角嚟講可接受啦，最緊要係有卡位可以坐得較舒服。然後到食物，大致上就係十幾款豬扒菜式。食過招牌煎豬扒，不俗不俗，今次就試吉烈豬扒拼腸仔塊豬扒size夠大不在話下，最surprise係炸得鬆化，下次可encore! 老闆娘見我食黑椒汁，就主動推介自家製辣汁叫我試試(又幾細心喎)，有一種說不出的惹味，鍾意食辣嘅朋友一定要試! 雖然唔係好明點解叫1+2，但只要係有heart，期待佢地做得更好!