1+2 餐廳 (已結業)

一個外表平庸嘅餐廳，食物質素真好好食又抵丫。lunch time 時分等左一陣就可以入座。餐牌上有分到午餐同全日餐。雖然舖頭有名你叫豬扒專門店。但我就被日式吉列牛扒咖喱飯吸引咗😋 另外仲叫左個七味炸雞扒飯。我已經叫左少飯但個分量都係滿滿的。d吉列牛扒多到幾乎見唔到啲白飯，旁邊仲有d雜菜伴碟。 個吉列牛真係炸得唔錯，個粉漿一d都唔厚，入口好脆牛扒都係軟軟的唔會好乾。加埋個咖喱送飯真係好滿足丫。個七味炸雞飯total 有2大塊厚厚的燒雞扒。炸法同吉列牛扒相比有啲唔同，呢個炸雞扒唔係用麵包糠炸的。外脆內軟仲要juicy!!!! 50幾蚊仲要包埋野食唔收加一。 真係非常之親民❤️

今日外賣唔知食咩好，不停揭外賣紙望望下酥炸雞脾煎蛋飯，就去落單。15分鐘左右就到公司。一大開個飯個個都嘩嘩聲。。。因為隻雞脾真係幾吸睛，大大隻，咬落脆到呢不得了，一啲騷味都冇。蛋係脆邊煎蛋，配菜有長長茄子同椰菜。飯亦裝得滿滿。嗌埋杯熱利賓納都係$51會再回頭叫的餐廳

平日都好鍾意食焗飯， 但係而家啲連鎖快餐店越嚟越唔好食，已經放棄左好耐。行過旺角諗住食個晚餐，見到舖頭裏邊有張焗飯相，仲話焗飯係精選，咁我哋就試吓叫咗個咖喱雞扒焗飯焗飯一嚟到嘅時候，個面覺得好夠好夠乾身，炒飯底亦都做得好好夠乾身，咖喱醬汁濕度啱啱好唔會好乾夠潤，咖喱唔會泰勒不失咖喱香味，雞扒好juicy ，整體配合得好好。個飯仲包餐飲，在旺角地區都幾抵食。西冷牛扒晚餐晚餐牛扒都不錯，佢煎得幾好面夠香，牛扒內裏好鬆軟，唔會剪得太熟硬骨骨，又唔會好似其他舖頭咁用粉醃到鬆晒都唔知食乜。薯菜用咗粗薯條，都幾好。晚餐中連湯仲有一片蒜蓉包，當然餐飲都包啦😌💪💪總結來講我覺得佢地的焗飯好味，牛扒都唔錯。

豬扒意真的很簡單，只是塊煎好的，舖在意粉上加隻太陽蛋，只此而已。先吃豬扒，仍然好吃。好吃的豬扒用什麼來醃？其實就只是醬油、糖、豆粉及酒，只此而已。但因為醃的時間夠長，就夠味，連雞粉也可以省掉。吃起來口感不算很鬆軟，因為沒有用如般刀背去鎚過之故。不過絕不韌，那個金漆招牌，仍然穩當的在那裡。意粉沒有港式茶記通病，這裡意粉夠 al dente，已經相當好吃。配上黑椒汁一流，仍然值得推薦。唔食意粉，可以轉飯。這裡用上珍珠米都非常好吃。

之前經過好多次 都入唔到嚟食 因為推住bb車 呢度地方唔大 座位唔多 所以每次都入唔到嚟 今日戴完個仔剪髮 居然 發現 有位又唔多人 即刻 推埋bb車入去 當然要試佢最出名嘅豬扒啦 我同老公兩個一個叫咗咖哩豬扒飯 老公就叫咗個推介 88蚊抵食牛扒餐 咖哩豬扒飯絕對唔失望 雖然唔可以話好juicy 但係都炸到外脆內軟 咖哩唔係太辣 如果以價錢嚟講老公嘅牛扒餐絕對合格 我哋叫咗七成熟,佢唔 韌, 咁當然叫得七成熟就唔好諗佢太林身喇 但係味道可以嘅 另外個薯條都幾好食唔會太鹹 今晚呢餐都有80分

在旺角的偏僻橫街，偶然行入一間普通 cafe 餐廳，舖內掛着廚師的獎牌，似乎老闆及廚師都係同一人。隨便叫咗個香煎葱油豬扒飯。奶茶先到，飲一口竟然有茶香味，即刻有點另眼相看及期待。飯終於到啦，賣相不錯，有拌碟菜及茄子。豬扒新鮮整出，入口 juice ，兼有肉香味，不會硬掘掘。飯粒香，軟硬適中，不是越南米。午市只收$52。相反現在好多餐廳連基本奶茶咖啡都沖不好，這閒小餐廳卻做到茶香豬扒正。下次再去試其他菜式。推!

忙左一日，又到食飯時間，約左朋友在旺角食飯，朋友未到就周圍去行下，見到有間餐廳門口燈光幾搶眼，望下叫做1+2 Cafe，門口有滔滔同一個好熟面口，原來係前酒店星級大廚，甘就打電話比朋友約佢係呢到食晚餐😊入到去既環境唔錯，全部係卡位，座位幾舒適，原來仲有樓上雅座。點左兩個全日套餐的晚餐1-日式咖哩吉烈豬扒反——酒店大廚，連放上碟的賣相都甘靚，唔單只靚，仲好好食，面頭脆卜卜，裡面豬扒又夠腍，外脆內軟又夠熱👍咖哩夠味道，飯軟硬度適中😋2-香煎牛扒煎蛋意粉——牛扒軟熟，煎蛋滑溜，意粉蒜茸味道匹配👍套餐蔬菜配料夠新鮮。咖啡味道濃郁😋食完再望下見到牆上貼左好多特式小食，下次要再去試下✌️星級酒店大廚主理的餐廳，收費只是平民價錢，抵👍👍👍👍👍😋😋😋😋😋

👭係朗豪坊附近行行下見到有間茶餐廳，門面簡單，純粹係1+2個名吸引左我，意料之外高質嘅餐廳,原來依間餐廳係由五星級大廚主理。🥩香煎鴛鴦扒配薯菜（💲93）有三款扒可以選擇，包括牛扒、豬扒、雞扒，今次揀了牛扒和豬扒，鴛鴦扒一上檯面就聞到好香嘅味道，賣相亦不錯，牛扒醃得不錯，但不夠豬扒出色，豬扒真的是必食，脆皮加上內軟多汁，意粉亦不錯，有調味，麵條爽口🍛和風牛肉蓋飯（💲63）份量超足，牛肉和洋蔥醃得好入味，加上面頭有隻蛋，口感豐富。—

1+2餐廳是在旺角上海街一間連周聰師傅及滔滔都讚好的茶餐廳， 雖然餐廳沒有五星級嘅裝修， 但食物嘅味道已經達到酒店級水準，價錢十分親民，一個星期嚟足7日都唔覺厭。打開餐牌選擇多到眼花撩亂，午餐及晚餐價錢相差10蚊以內，包一個飯及熱飲，凍飲就要加3蚊囉！先來一個芝士焗咖哩雞扒飯，製作耐時，份量超大，可足2人食用，呢個杯焗到香噴噴，熱辣辣，而且仲有炒底，超好鑊氣。雞扒肉質算ok, 芝士及咖哩勁香及惹味，好抵食。至於香煎蔥油豬扒飯， 豬扒肉質非常鬆化，煎得香口，加上蔥油更添滋味，的確好得!小食加個芝麻雞翼，炸得酥脆，熱度十足，極度邪惡。飲品就不過不失，一般茶水物色，不用太大期望。

一個人的晚餐🍴今晚自己一個食 諗住求求其其搵間茶記食估吾到呢間小店甘有驚喜！！！.經過旺角1+2餐廳，見到個menu好吸引而且價錢都好抵，一於試下佢.今次叫左set dinner-香煎西冷牛扒配薯菜🥩套餐包左沙律或餐湯，蒜蓉包仲有餐飲牛扒可以揀要幾成熟，order左7成熟，肉質好juicy吾韌，岩岩好另外仲配左薯條 翠玉瓜 蕃茄同茄子🍆連配菜都有悉心烹調過 好香口不得不讚薯條 好脆好好味每份薯條廚師都即叫即炸 誠意滿分.見到個七指雞翼 東京直送 忍吾住要叫埋決定貪心小小 叫多一份雞翼食一份有3隻 好脆好香口 雞翼本身都好夠味大推呀！！.結論 1+2餐廳絕對係一間性價比高既餐廳個廚師原來係五星級酒店既大廚平民價錢 酒店質素

升LV小食在民間估唔到店仔細細職員咁好傾講講下先知廚師原來之前係5星酒店做，難怪煮野食有一套獨有心得!!!雖然今晚要搭枱但對面食客都好有禮貌而且仲特別强調我地要試豬扒🐷🐷🐷Set dinner好抵食百零蚊有湯或前菜🥬🌱+餐包職員話紅湯係羅宋湯不過我飲落就覺得似意式雜菜湯多啲🍄🥦🥬🥒🍅味道幾清香feel到落足心機煲唔會食到好heavy既香草味另外沙律入面有好多甘荀營養好高呀!🤗大人細路都啱食!加入左提子乾更有咬口!講開細路暑假都就完可以帶佢地開學前食返餐勁💦💦💦同職員傾傾下先知12歲或以下小朋友如果daddy,mummy食餐可以有個免費餐送真心抵都算係回饋社會既一種好方法讚讚🌹🌹入返正題對面師奶推薦既豬扒真係堅得架wo淨係見到兩大塊都知有幾足料表皮脆內軟腍多汁咬落完全無筋🙀🙀🙀其他配菜都好味茄子煎到好重油香入口即溶而且溫度好熱令茄子香發揮得更加好💥💥💥💥💥另外都估唔到連意粉都幾唔錯每條都均勻沾咗蒜蓉汁而且麵條爽口唔痴牙再黎就係牛柳Dinner set 5今次配薯菜舊肉切開立即有好香既牛味中間少少粉紅，夠曬鮮嫩🤗🤗配唔會過份辛辣既黑椒汁好ok 薯條面頭有鹽花少少咸多多脆個芯一啲都唔粉抵讚最

今日一支公無人約，自己食。去番平時幫襯開的1+2餐龐。平時多數食lunch，和風牛肉飯係我最愛，五十幾蚊包飲品，都幾抵食，又好食。 聽店員講過，個廚以前係喺五星級酒店做的，怪唔知得門口都有周中師父和元朗食神滔哥的合照做生招牌。 今晚要對自己好一點，所以叫咗份牛柳做晚餐。首先當然係要試下個忌廉湯，都幾濃幾香滑，配埋件蒜蓉包，真係無得輸。 牛柳啱啱好七成熟，牛味濃郁，嫩得來又有口感。黑椒汁是秘製的，香而不辣，啱晒我口味。 凍奶茶是後上的，慢慢坐，慢慢飲，一個人靜靜地吃晚餐都很enjoy。

跟朋友去朗豪坊shopping完，便找地方吃晚餐。我不想再逗留朗豪坊，因為這裡人實在太多了。於是朋友便帶我去相隔一個街口的上海街。見這間餐廳招牌 “1+2” 好特別好吸引，門外還貼了食神滔滔的照片，心中一動便入去幫襯。雖然餐廳沒有豪裝，但亦坐得舒服，還播著動聽的純音樂，都幾chill 架!晚餐set有7款，無須加一，最平$98有交易，而至貴的都只是 $133，價錢合理。我選了D3 香煎鴛鴦扒配薯菜，可以任選豬、牛、雞扒兩款。我選了牛扒 + 雞扒配黑椒汁。飲品點了冰底檸樂。大熱天照，飲這個凍檸樂，真是身心都涼快!餐湯是粟米忌廉湯，伴了香脆蒜蓉包。忌廉湯很綿滑，味道適中，絕對不是其他餐廳提供的唔湯唔水的白湯可比。我的鴛鴦扒上檯時，便聞到好strong 的黑椒味。看上去，這份鴛鴦扒賣相很不錯。牛扒是薄切的，煎得香，味道醃得很不錯。雞扒更是出色，啖啖肉之餘，外皮是煎得卜卜脆的。至於伴菜的燒茄子亦是好吃，又香又軟。不得不提的是炸薯條，是即炸的。好食!

I have to announce that people in MK have one more choice for lunch😊!The thing that you must order is simply Pork. The pork here is so soft and with not much bone. But it could be better if fat can be cut from the pork. You may choose the sauce for your rice and spaghetti. Onion sauce is my recommendation for you as it really taste good🤤! When you come with friends, you may ask staff to direct you to 2/F which is more quiet for chat and gathering😊.

1+2 豬扒餐廳 was at first  cha chan teng. At least to my eyes. But once boyfriend and I went in .... we were surprised with all the amount of medals on the wall. And it appeared practically everyone ordered some sort of pork chop combo.Menu is in Chinese and partial English. Partial meaning only the afternoon tea menu was in Chinese only. There is no 10% service charge.Boyfriend hadn't had lunch yet so he ordered something from the lunch menu. This is rice with pork chop and egg ($50). He had a choi