影片
更多
2015-03-31
589 浏览
传说中恒发鸡蛋仔我终于都有机会领会到佢有几好食。芋头馅鸡蛋仔，超足料，真系不得了。星期日我由屋企出发，搭小巴落观塘，见顺路就转个靓弯去食呢个超出名既鸡蛋仔。一去到超多人排队，咁我就乖乖跟住排队尾啦。一路排一路谂食咩味，佢有好多只味，有芋头，红豆，朱古力，芝麻，芝士。排到咁上下有个哥哥黎问要咩，我超钟意食芋头，所以我用左0秒就决定要芋头，仲有排得咁Q辛苦，紧系试多只味，就拣芝士啦。排排排排排排，由我开始排队果刻，到我拎到饼鸡蛋仔，我足足用左半个钟。普通既鸡蛋仔我紧系唔会排咁耐啦肯，痴线咩。但系呢一间既，就算要排咁耐，我都觉得值！间铺有一概８个炉左右，你嗌完佢就会即刻整架喇。因为佢超足料，唔会同你悭蛋浆，唔似得有D鸡蛋仔个壳入面咩都冇，所以等既时间要耐Ｄ。Ｄ蛋浆煮左一阵，佢就落馅料喇。个姐姐仲话Ｄ芋头系每日系街市买返黎再整，保证新鲜，唔系现成买返黎。夹返埋之后，最后仲会系两边倒浆封边，你话，有几可会咁好同你封边。整左３，４分钟，再等多一两分钟，吹吹就食得超钟意芋头既我，第一啖紧系食芋头啦。哗一食落去外脆内暖，馅料超丰满，芋头仲多过蛋浆，一粒粒咁好有咬口，而且唔会太甜。好有蛋香，真系好好食，
传说中恒发鸡蛋仔我终于都有机会领会到佢有几好食。芋头馅鸡蛋仔，超足料，真系不得了。
星期日我由屋企出发，搭小巴落观塘，见顺路就转个靓弯去食呢个超出名既鸡蛋仔。一去到超多人排队，咁我就乖乖跟住排队尾啦。一路排一路谂食咩味，佢有好多只味，有芋头，红豆，朱古力，芝麻，芝士。排到咁上下有个哥哥黎问要咩，我超钟意食芋头，所以我用左0秒就决定要芋头，仲有排得咁Q辛苦，紧系试多只味，就拣芝士啦。
排排排排排排，由我开始排队果刻，到我拎到饼鸡蛋仔，我足足用左半个钟。普通既鸡蛋仔我紧系唔会排咁耐啦肯，痴线咩。但系呢一间既，就算要排咁耐，我都觉得值！
间铺有一概８个炉左右，你嗌完佢就会即刻整架喇。因为佢超足料，唔会同你悭蛋浆，唔似得有D鸡蛋仔个壳入面咩都冇，所以等既时间要耐Ｄ。Ｄ蛋浆煮左一阵，佢就落馅料喇。个姐姐仲话Ｄ芋头系每日系街市买返黎再整，保证新鲜，唔系现成买返黎。
夹返埋之后，最后仲会系两边倒浆封边，你话，有几可会咁好同你封边。整左３，４分钟，再等多一两分钟，吹吹就食得
超钟意芋头既我，第一啖紧系食芋头啦。哗一食落去外脆内暖，馅料超丰满，芋头仲多过蛋浆，一粒粒咁好有咬口，而且唔会太甜。好有蛋香，真系好好食，唔洗半个钟我一个人队哂成饼。
另一饼芝士味呢，我就略嫌唔够芝士味喇。因为佢系一块平时夹面饱既芝士FOR一饼，所以唔系好够分，呢饼我就拎返屋企食喇。恒发系观塘地铁 A1出口， 经裕民坊连住同仁街协和街行上去，行十分钟到就到喇。
张贴
