影片
更多
2023-12-25
62 浏览
临近圣诞想同朋友食餐好啲，记得之前食过呢间日式烧肉，牛肉质素高，而且坐得舒服，所以今次决定再去食。餐牌上有好多款唔同嘅套餐可以拣，全部都系任食，今次我就试吓Course D ，包含六款日本黑毛和牛同埋海鲜，一定够晒丰富！一坐低拣完套餐，店员就会将〈是日黑毛和牛精选〉同埋〈黑毛和牛四款盛合〉，前者是日精选和牛系里脊肉，油脂分布非常平均；后者和牛盛合就包括有牛肋肉、里脊肉、一口牛同埋肉眼，可以一次过四晒唔同部位嘅和牛，啱食边款之后仲可以单点任食！头盘有点止啱啱两份肉咁简单，仲会有质素劲高，而且有店员亲自帮手烧嘅〈日本A4和牛西冷〉，店员掌握嘅火候真系啱啱好，一烧完即刻食，入口嫩滑而且油脂感啱啱好；另外仲会有〈海鲜三款盛合〉，即系原只鱿鱼筒、青口，同埋虾，最推介系鱿鱼筒，弹牙得来又唔会太靭，洒上即磨海盐同胡椒，够晒风味！食完头盘已经觉得好满足，我哋仲嗌咗好多其他可以任食嘅项目，肉类方面我会推介炙烧牛外横膈膜，厨房会预先将牛肉只烧过，上枱后其实已经可以即刻食，肉质好嫩滑，沾上少少芥辣，更加提升味道。另外博切牛舌芯亦都系另一款推介嘅项目，口感爽口，几唔错！套餐132款食品，包括唔同种类嘅小食、猪
餐牌上有好多款唔同嘅套餐可以拣，全部都系任食，今次我就试吓Course D ，包含六款日本黑毛和牛同埋海鲜，一定够晒丰富！
一坐低拣完套餐，店员就会将〈是日黑毛和牛精选〉同埋〈黑毛和牛四款盛合〉，前者是日精选和牛系里脊肉，油脂分布非常平均；后者和牛盛合就包括有牛肋肉、里脊肉、一口牛同埋肉眼，可以一次过四晒唔同部位嘅和牛，啱食边款之后仲可以单点任食！
头盘有点止啱啱两份肉咁简单，仲会有质素劲高，而且有店员亲自帮手烧嘅〈日本A4和牛西冷〉，店员掌握嘅火候真系啱啱好，一烧完即刻食，入口嫩滑而且油脂感啱啱好；另外仲会有〈海鲜三款盛合〉，即系原只鱿鱼筒、青口，同埋虾，最推介系鱿鱼筒，弹牙得来又唔会太靭，洒上即磨海盐同胡椒，够晒风味！
食完头盘已经觉得好满足，我哋仲嗌咗好多其他可以任食嘅项目，肉类方面我会推介炙烧牛外横膈膜，厨房会预先将牛肉只烧过，上枱后其实已经可以即刻食，肉质好嫩滑，沾上少少芥辣，更加提升味道。另外博切牛舌芯亦都系另一款推介嘅项目，口感爽口，几唔错！
套餐132款食品，包括唔同种类嘅小食、猪牛鸡肉、海鲜、冷食、热食、蔬菜等等，出面嘅自助吧仲可以挑选沙律、饮品及甜品等，真系非常抵食！
张贴
