影片
更多
2023-01-18
318 浏览
我哋今次唯一后悔，就系冇即时报警，谂住俾机会佢地处理。我哋当日有同 Kingsley CS联络过，佢哋选择唔处理事件，不回覆，不处理。贵公司呢位女员工（中长黑发，戴眼镜，当日全场唯一女同事），其实同放咗个炸弹，喺餐厅冇分别，随时爆炸。——————————————————————话说早几个礼拜，我朋友返香港，带咗佢去呢间餐厅度食嘢。每次转主题，我都会去嘅。荃湾分店未开嘅时候，我次次喺旺角分店排队。都算系忠实fans，亦都唔系西客。虽然服务态度一向麻麻，但从来都冇咩特别事发生，都会继续支持。我对佢哋啲员工，句句唔该前，唔该后。但今次估唔到，食餐饭，要受啲咁嘅屈辱。佢咁嘅态度，我以为我地冇俾钱，入嚟乞食。以后真系唔敢再嚟，费事自取其辱。今次新年前发生咗呢件事，我以后都唔会再去啦，一来令我朋友好唔开心，二来令我好失望。同埋发生过一次不愉快事件，第二次仲去，就系自己攞嚟衰。——————————————————————事情经过如下，当时我经WhatsApp联络咗佢哋CS，想问清楚究竟发生乜嘢事？事件刚刚在餐厅发生，我们入座的时候，有一位女员工（中长黑发，戴眼镜，当日全场唯一女同事），负责带位。我的
我哋当日有同 Kingsley CS联络过，佢哋选择唔处理事件，不回覆，不处理。
贵公司呢位女员工（中长黑发，戴眼镜，当日全场唯一女同事），其实同放咗个炸弹，喺餐厅冇分别，随时爆炸。
——————————————————————
话说早几个礼拜，我朋友返香港，带咗佢去呢间餐厅度食嘢。每次转主题，我都会去嘅。荃湾分店未开嘅时候，我次次喺旺角分店排队。都算系忠实fans，亦都唔系西客。
虽然服务态度一向麻麻，但从来都冇咩特别事发生，都会继续支持。我对佢哋啲员工，句句唔该前，唔该后。
但今次估唔到，食餐饭，要受啲咁嘅屈辱。佢咁嘅态度，我以为我地冇俾钱，入嚟乞食。以后真系唔敢再嚟，费事自取其辱。
今次新年前发生咗呢件事，我以后都唔会再去啦，一来令我朋友好唔开心，二来令我好失望。同埋发生过一次不愉快事件，第二次仲去，就系自己攞嚟衰。
——————————————————————
事情经过如下，当时我经WhatsApp联络咗佢哋CS，想问清楚究竟发生乜嘢事？
事件刚刚在餐厅发生，我们入座的时候，有一位女员工（中长黑发，戴眼镜，当日全场唯一女同事），负责带位。我的朋友告诉他「两位」，示意我哋坐低。然后他用非常不礼貌和呼喝的语气，同我朋友讲：「全场得呢两个位！」
其实当时都俾佢d态度吓亲，但都有坐低，只系心谂：使唔使咁恶？
当时我们见到有三张吉枱，他话，「全部都有人预订，只有呢两个位。你唔想坐， 就一个钟头后返嚟！」
其后，店中有另一位男同事，经询问后，愿意安排我们坐旁边墙壁的卡位。
后来食紧嘢中途，带位小姐察觉我哋掉咗位
，突然走去我哋后边，发左好大脾气，几声巨响，拍枱，拍凳，拍雪柜。系好大声，吓到成个人弹起𠮶种。可能想恐吓我哋？
可想而知，呢位员工情绪有几不稳定？可能有严重精神问题，心理困扰。因为我哋根本都冇嘢得罪佢，唯一问过佢嘅嘢，就系可唔可以调位？亦都系好有礼貌咁样问，唔系呼喝或者点样。可能系人善被人欺啦！
之所以话唔会再去，唔系讲吓就算。因为我再见到佢，都会谂返起件事。而最内疚，系令到我朋友好唔开心，呢间餐厅系我提议去。
再讲，佢情绪咁唔稳定，对客人都有好大的困扰，都唔知佢下次情绪失控？会攞乜嘢武器？或者直头袭击？攻击客人？绝对唔系冇可能。
呢间餐厅选择唔处理事件，同放咗个炸弹喺度冇分别，一个随时会爆炸嘅炸弹。
——————————————————————
同埋我哋都要澄清番，我们从来冇激嬲佢，挑衅佢。佢系真系无啦啦突然之间发脾气，想揾人出气？泄愤？
系咁嘅环境食嘢，都觉得好危险及不安。如果我哋嘅嘢食，唔系嚟咗，我哋会即刻走。因为我哋真系冇做错任何嘢，仲要对佢哋啲员工好有礼貌。
我都有帮佢谂埋藉口，会唔会系好忙？做到火滚？但我们入座的时候，确实有三张吉枱，也有卡位，并不是非常繁忙时段。反而，仲几空闲。
题外话，呢两个位，其实在两张四人枱的中间，就是4+2+4。次次嚟都系比呢个位，其实两个人𠮶啲，都系影几张相，食完就走，唔会阻你好多时间，通常唔够一个钟都已经走，食完就算。你次次都比呢个路边位，影张相都唔会靓，喺路中心，仲要比八个人夹住，人哋下次点会嚟？你真系冇位都冇得好讲，有几张吉枱，你都比啲咁嘅位，即系有心赶客。
同埋个带位小姐讲，全场已经 fully booked，并唔系事实，有人讲大话。因为有两位上咗年纪嘅老人家，冇预订，佢都带佢坐卡位。
结论系，你对人有礼貌，人哋咁对你。何必再去呢间餐厅，自取其辱？因为我地已经揾咗经理投诉，揾埋客户服务部，全间公司都冇人覆你，亦唔会跟进，处理事件。下次有事，都系即时报警吧！
张贴
