影片
更多
2016-06-29
3632 浏览
住响附近，留意左呢间上海嘢已经好耐，一直都好想揾机会一试。点知次次都有朋友唔钟意食，经过佢门口已经好多次流晒口水，都仲未有机会食到佢。今日终于有个好朋友，愿意同我试吓啦！呢间上海厅好特别，门面系半开放式嘅，可以直接见到商场嘅环境。正门𠮶度会有一架好怀旧嘅黄包车，影相一流。睇吓餐牌，基本上都系传统嘅上海野，都有唔少选择嘅，我哋叫咗五样嘢食。《麻将鸡丝粉皮》食亲上海野我都好钟意食架，呢度嘅鸡丝粉皮都整得唔错。麻酱好香，粉皮切得好薄好滑好有口感。唯一不足呢，就系雪得唔够冻，令到粉皮一层同一层中间有少少黐埋一齐嘅感觉，而唔系爽口嘅。《红油抄手》朋友最钟意嘅就系红油抄手，同佢食亲上海野佢都一定会叫。呢度嘅红油抄手唔系好辣，少少辣又有小小甜味好醒胃。而且个抄手皮都好薄，馅料亦都好丰富，朋友就非常满意啦！《菠萝黑醋排骨》主菜我哋一人拣咗一样。我见到餐牌入边有一味叫做菠萝黑醋排骨，个名好特别啊！即刻叫黎试吓先！上碟之后，果然冇令我失望。菠萝同黑操系一个好特别嘅配搭，虽然两样嘢都酸酸地，但系加埋既酸味唔系好重。菠萝有少少甜味，感觉好清新。呢碟既味觉复杂，有酸、有甜、亦都有果味。排骨煮得好淋，而且每一旧排
住响附近，留意左呢间上海嘢已经好耐，一直都好想揾机会一试。点知次次都有朋友唔钟意食，经过佢门口已经好多次流晒口水，都仲未有机会食到佢。今日终于有个好朋友，愿意同我试吓啦！
呢间上海厅好特别，门面系半开放式嘅，可以直接见到商场嘅环境。正门𠮶度会有一架好怀旧嘅黄包车，影相一流。
睇吓餐牌，基本上都系传统嘅上海野，都有唔少选择嘅，我哋叫咗五样嘢食。
《麻将鸡丝粉皮》
食亲上海野我都好钟意食架，呢度嘅鸡丝粉皮都整得唔错。麻酱好香，粉皮切得好薄好滑好有口感。唯一不足呢，就系雪得唔够冻，令到粉皮一层同一层中间有少少黐埋一齐嘅感觉，而唔系爽口嘅。
《红油抄手》
朋友最钟意嘅就系红油抄手，同佢食亲上海野佢都一定会叫。呢度嘅红油抄手唔系好辣，少少辣又有小小甜味好醒胃。而且个抄手皮都好薄，馅料亦都好丰富，朋友就非常满意啦！
《菠萝黑醋排骨》
主菜我哋一人拣咗一样。我见到餐牌入边有一味叫做菠萝黑醋排骨，个名好特别啊！即刻叫黎试吓先！上碟之后，果然冇令我失望。菠萝同黑操系一个好特别嘅配搭，虽然两样嘢都酸酸地，但系加埋既酸味唔系好重。菠萝有少少甜味，感觉好清新。呢碟既味觉复杂，有酸、有甜、亦都有果味。排骨煮得好淋，而且每一旧排骨都充分咁沾满酱料，味道好有层次，好丰富！呢碟𩠌系成餐饭嘅亮点，三样嘢虽然都冇乜特别，菠萝黑醋同排骨，各有各嘅味道，但系加埋一齐嘅化学作用系你估唔到咁好食嘅！
《清炒河虾仁》
朋友就叫咗个清炒河虾仁，呢度嘅大厨好大方，起码有几十只大大只好厚肉嘅虾仁。而且都好细心俾咗少少醋我哋去点虾仁，可以调一调味。虾仁好新鲜、好爽口、睇得出佢哋用心处理过。点小小醋令到味道更加有丰富，如果佢哋可以落埋茶叶炒咁就完美喇。
《小笼包》
成餐饭最后我哋用小笼包结尾。呢度嘅小笼包都几特别架，一般上海店嘅小笼包外表都会睇得出系皮好薄，半透明咁。呢度嘅小笼包就啱甘望落去块皮好似好厚甘，点知一夹起，原来块皮都系好薄架！唔知系咪佢哋用来做小笼包嘅材料同人哋唔同呢，所以视觉上比起佢实际口感厚好多。夹起小笼包，点一啖黑醋，入口非常满足。一啖咬落去，啲汁已经满写，喷射出嚟。先饮一啖好香好甜嘅肉汁，再成个小笼包放入口，猪肉馅好新鲜，而且火候啱啱好，肉质仲系好实净冇松散嘅。呢个小笼包虽然唔算非常特别，因为而家坊间好多上海店都已经做得好好，但佢嘅性价比算系非常高架！
整体来讲，餐厅环境唔错、几有格调，服务员都算勤力，会无间断咁帮我地加水、亦都会介绍食物俾我哋。食物质素亦都有一定嘅水准，两个大食嘅女人食咗五碟𩠌，埋单都系三百零蚊，好抵啊！
张贴
