Tea Plus (已結業)

行过见到间装修几有新意的台式奶茶外卖店，装修唔再系黑白啡d咁老土的颜色，好，既然装修咁吸引，睇下系咪虚有其表先，就试下最传统的珍珠奶茶得唔得先。见到d员工咁醒神已经有d好感，再见到杯奶茶颜色都几靓，一饮之下，果然有料到㖞，之前系其他地方饮过d珍珠奶茶唔系太甜就系奶味太重或茶味太多，一d都唔专业，呢间就唔同，奶味同茶味夹到啱啱好，d珍珠又几有咬口，果然系下过下苦工，问下d员工先知佢地系连锁店，仲有一间系荃湾城市中心，等有机会到荃湾亦试下系咪都咁掂先。