影片
更多
2021-02-21
2918 浏览
鮨慎一向都喺我个收藏list入面，今日约咗个朋友食饭就趁weekday冇咁多人book咗午市嚟试。将结论放喺前面，就系恰到好处、实而不华。二人限聚令下，预约咗1:30pm，大概等到1:40pm先有得入座。坐低后选餐，有「出水」(刺身、烧物、寿司八贯)同「神水」(寿司十二贯)两款选择。我哋拣咗两个「神水」餐。(🍣神水Kuwamizu $680 +10%)普遍鮨店嘅午餐都会跟前菜、汤同甜品。前菜分别有茶碗蒸同八爪鱼，值得一提嘅系款八爪鱼前菜，八爪鱼煮得软熟但又尚留有一丝烟韧嘅口感。上面铺咗一块木之芽(我朋友话好似驱蚊草咁嘅味😂)，我夹喺两嚿八爪鱼中间食，令第二嚿八爪鱼仲有阵清新嘅感觉😂。十二贯寿司，以中拖罗打头阵。我嘅记忆冇办法逐贯寿司讲😂不过可以讲吓师傅每贯嘅排列。师傅第一贯以鱼味同脂香感互相制衡嘅中拖罗打头阵，第二至七道梅花间竹咁以鱼类、贝类、鱼类、贝类去做推进，最后四道再以油脂丰富嘅鱼类同海胆作结。每道由淡至浓味之余亦有鲜明嘅对比，保持每一贯嘅新鲜感。当中某几道特别有记忆点，贝类中嘅甜虾爽滑而鲜甜，与醋饭之间夹住嘅虾膏仲增添咗一份甘甜。另外赤贝(我最爱🤪)亦非常出色，食材本身十分新鲜
二人限聚令下，预约咗1:30pm，大概等到1:40pm先有得入座。坐低后选餐，有「出水」(刺身、烧物、寿司八贯)同「神水」(寿司十二贯)两款选择。我哋拣咗两个「神水」餐。
(🍣神水Kuwamizu $680 +10%)
普遍鮨店嘅午餐都会跟前菜、汤同甜品。前菜分别有茶碗蒸同八爪鱼，值得一提嘅系款八爪鱼前菜，八爪鱼煮得软熟但又尚留有一丝烟韧嘅口感。上面铺咗一块木之芽(我朋友话好似驱蚊草咁嘅味😂)，我夹喺两嚿八爪鱼中间食，令第二嚿八爪鱼仲有阵清新嘅感觉😂。
十二贯寿司，以中拖罗打头阵。我嘅记忆冇办法逐贯寿司讲😂不过可以讲吓师傅每贯嘅排列。师傅第一贯以鱼味同脂香感互相制衡嘅中拖罗打头阵，第二至七道梅花间竹咁以鱼类、贝类、鱼类、贝类去做推进，最后四道再以油脂丰富嘅鱼类同海胆作结。每道由淡至浓味之余亦有鲜明嘅对比，保持每一贯嘅新鲜感。
当中某几道特别有记忆点，贝类中嘅甜虾爽滑而鲜甜，与醋饭之间夹住嘅虾膏仲增添咗一份甘甜。另外赤贝(我最爱🤪)亦非常出色，食材本身十分新鲜，口感可以用爽脆嚟形容。唯独个螺寿司我就尚未懂得欣赏，肉质虽然爽口但味淡，就算加咗酱油都好似同醋饭冇互相呼应到。
至于鱼类，白身鱼似乎冇乜记忆点，大拖罗同其他油脂丰富嘅鱼类依然脂香感十足。其中池鱼寿司印象比较深刻，肉质细嫩柔软又有弹性。另一款我最近好欢喜嘅酱油渍赤身(写紧字都流口水)亦颇为难忘，口感细致有咬口，而且鱼味浓郁，加上酱油渍过同醋饭配合得天衣无缝(有啲夸张)，无可挑剔！最后讲吓个昆布渍海胆，应该系呢度嘅招牌嚟，令我对佢更加有期望。海胆用昆布渍过，食落微微多咗一层昆布嘅香味，但质地就唔太挺身，比我想像中稀得多，海胆嘅鲜甜味亦都偏淡，相对失色。
寿司环节完结，随即师傅就开始做卷物，吞拿鱼茸夹杂着少少萝卜碎同芝麻，卷喺紫苏叶、醋饭同烘到干脆微暖嘅紫菜入面，水准平稳。
紧随住卷物，师傅就系你面前放上四嚿叠高咗嘅玉子😂(我)确实比较少见鮨店会一次过提供晒两款做法嘅tamago，一款浅色嘅味道偏甜，质地绵滑似custard。另一款长崎蛋糕风嘅食落就比较干身而且粗糙。
最后呢餐午饭就以面豉汤同雪糕三文治作结。柚子同芝麻味雪糕之间我拣咗芝麻，不过夹埋脆饼一齐食，芝麻味未算突出，但甜而不腻，总算为呢餐午饭画上一个句号。
总括而言，食材新鲜，师傅对每一道菜的处理亦恰如其分，没有过多调味，令客人食到食材最原始最真实嘅味道。十二贯嘅寿司加上卷物嘅舍利都用上赤醋，空气感、比例同湿度都恰好，唯独略略偏酸，与脂香感偏重嘅鱼类相辅相成，却于白身鱼嘅几道菜更为明显。身处中环租金偏贵之地，性价比合理，回头率达六至七成🥰
以上为小编极粗浅之见，不喜敬请忽略。
后记: 当日为我哋料理嘅师傅系店中嘅Head chef Kami San，师傅唔单止能操流利广东话之余同我哋沟通过程中亦十分幽默，周不时都搞下笑咁😂而且佢耳朵十分灵光😂𠮶日我见到佢攞赤身出嚟，我就好细声咁同我朋友讲:「呀！系酱油渍赤身呀！我钟意呀！」师傅明明招呼紧我哋隔离嘅客人，相隔米半之外都竟然听到我讲咩，走过来话:「系！啱jor！系赤身！」相当趣致🤣店员亦十分体贴，添茶添得好频密。我哋走嘅时候师傅仲好有礼貌地出嚟送我哋，呢样确实唔系间间鮨店嘅师傅都会做。呢种咁有温度嘅服务，仲有各样细节位，就算食物唔系100%正中我下怀，都系令客人回头嘅原因。
张贴
