譚仔雲南米線 (觀塘廣場)

营业中

休息中

当谭仔仲未发迹，只有长沙湾一间分店，到依家总有一间喺左近，我由中学食到出黎做野，望住佢嘅变迁，心情系复杂嘅。份量而言，其实大不如前。以前一碗米线已经足够两个女仔食，啲配菜更加系多到似一座山丘，性价比高，好抵食。依家同抵食已经扯不上边。心水清嘅人，其实应该食得出佢个汤底都悄悄地改变左。味道单调左，高汤甜味逃掉了。以前即使系十小辣都会食到好似有小蚂蚁喺咀唇乱跳，又麻又辣嘅感觉，依家只有辣味独领风骚。不变嘅可能系佢啲𩠌嘅选择，大致上无太大改变。猪肉竹笙十小辣系我喺谭仔时常叫嘅。今次猪肉略嫌煮过左火，竹笙爽口，但量少。不太肚饿嘅原故，叫左少米线，米线煮得刚好，不会糊掉。物转星移，万物都在变，不变嘅系对谭仔嘅情义结。