悠 (已結業)

星期六最啱瞓到自然醒，呢间餐厅虽然细细地，座位唔算多，但系装修都几别致。而且佢位于元朗西铁站附近，都算几方便。蒜香辣椒烟三文鱼意粉 （烟三文鱼大大块，入面仲有啲三文鱼粒，意粉软硬程度适中带点弹牙，蒜香味突出，微辣）熊熊朝日 （叫呢个餐最主要都系想食佢个薯蓉焗蛋，薯蓉质地幼滑，食落去仲有一粒粒碎洋葱，配埋流心鸡蛋，真系几match 㗎。另外值得一赞嘅系佢嘅番茄香草面包，面包软熟而且食落去番茄同香草味好突出。南瓜薯饼都好抵赞，yummy。沙律既汁都系另上，好细心。呢个早餐嘅组合比起平时出面食嘅特别）玉桂苹果咖啡 （玉桂味有点儿霸道，完全只系饮到玉桂味，但系整体嚟讲杯咖啡都系好饮）