影片
更多
2014-10-15
4186 浏览
相信汉堡包有唔少人都好喜欢食，晌香港依个美食天堂，低中高价、唔同款式、味道嘅汉堡包应有尽有。专灯走到嚟Texas Burger，都喺因为食友嘅食评赞好，人少少同朋友一齐嚟试，轻轻松有倾有讲，沙律、汉堡、奶昔做晚餐，一派悠然，嚟自「德克萨斯」！Texas Burger门面装饰有点美式田园风格，小店地方唔大，主要都喺二人枱，互相拼凑成四人或六人枱，其实感觉有点逼。室内一组又大又亮嘅霓虹灯招牌，就喺晌电影常见，美国公路旁餐厅所挂嘅𠮶款，红得甚抢眼。单睇价钱，你就知佢哋定位于中高档次嘅美式汉堡包店，所以，一般嚟帮衬嘅都喺啲情侣、中产家庭或三几个上班族。枱上嘅餐枱纸就喺餐厅嘅餐牌嚟，清楚列晒所有食物：前菜、小食、沙律、餐汤、汉堡、意粉、特别推介、甜品、奶昔、饮品，大可坐低慢慢睇、慢慢拣。此外，近门口嘅收银处，头顶上放有两部大电视，图文并茂播出店中食品。由于朋友们喺少肉多菜之人，所以，拣咗一个素汉堡；而从食评所见，店家有一款迷你汉堡拼盘，可一次过试到3种口味，可惜只限星期五、六、日及假期（3:00-6:00pm），就算晌门外餐牌所见，都喺咁写。不过，门口另一边发现「Today Special」竟然
Texas Burger门面装饰有点美式田园风格，小店地方唔大，主要都喺二人枱，互相拼凑成四人或六人枱，其实感觉有点逼。室内一组又大又亮嘅霓虹灯招牌，就喺晌电影常见，美国公路旁餐厅所挂嘅𠮶款，红得甚抢眼。单睇价钱，你就知佢哋定位于中高档次嘅美式汉堡包店，所以，一般嚟帮衬嘅都喺啲情侣、中产家庭或三几个上班族。
枱上嘅餐枱纸就喺餐厅嘅餐牌嚟，清楚列晒所有食物：前菜、小食、沙律、餐汤、汉堡、意粉、特别推介、甜品、奶昔、饮品，大可坐低慢慢睇、慢慢拣。此外，近门口嘅收银处，头顶上放有两部大电视，图文并茂播出店中食品。
由于朋友们喺少肉多菜之人，所以，拣咗一个素汉堡；而从食评所见，店家有一款迷你汉堡拼盘，可一次过试到3种口味，可惜只限星期五、六、日及假期（3:00-6:00pm），就算晌门外餐牌所见，都喺咁写。
不过，门口另一边发现「Today Special」竟然有迷你汉堡拼盘供应，真喺非常走运。原来，店员话见个迷你汉堡拼盘受欢迎，就久唔久晌Today Special加入依道菜式。
酥炸美国珍宝鸡翼 $52小食类有5款，离不开洋葱圈、薯条、鸡翼。一客珍宝鸡翼有4只，如钟意食鸡翼，不妨点够8只份（$92），鸡翼的确好大件，新鲜热辣，外皮酥脆甘香，肉质都够汁多，再沾上墨西哥青椒烧烤酱，咸咸辣辣，非常惹味。而鸡翼仲垫有少少菜丝及西芹条，啱食嘅唔好嘥，当喺清清热气。
烟三文鱼及水煮蛋沙律 $53沙律共有3款，包括传统嘅「凯撒沙律」、「烟三文鱼及水煮蛋沙律」及「香烤奇津虾芒果沙律」，我哋一口气点选咗后两者。个水煮蛋沙律卖相几唔错，个沙律底有沙律菜、水牛芝士、蜜饯核桃、红洋葱、车厘茄，再配以罗勒香醋油，整体个味道唔错，醋香中夹杂罗勒香味，而且，沙律菜够冻够爽脆。中央将烟三文鱼卷成车呔形，再放上水煮蛋，睇起嚟立体啲又有啲别出心裁，不过，啲烟三文鱼食落怪怪哋，有少少唔够新鲜嘅感觉，还幸个水煮蛋做得有水准，蛋黄流心凝香！
香烤奇津虾芒果沙律 $63沙律底跟个水煮蛋沙律差不多，都喺沙律菜、红洋葱、车厘茄依几样，配香芒沙律汁，酸酸甜甜，叫人越食越开胃，但就唔觉有咩烤甜椒，而且芒果肉又比预期中少，不过，3只炸虾就又大又爽，值得一赞。两款沙律可谓各有特色，小弟就稍稍钟意后者多啲，主因都喺啲烟三文鱼令个沙律严重失分。
素食汉堡 $77既然叫Texas Burger，喺轮到汉堡出场嘅时候喇，店内恒常嘅汉堡一共有8款，价钱由$68到$83，而个迷你汉堡拼盘非晌主打餐牌内。
先品尝个「素食汉堡」，虽然喺「素食」，但个外型跟其他汉堡无乜两样，从餐枱纸所见，素食汉堡材料都几丰富，以罂粟籽面包为本，有自家制素食汉堡扒、牛油果、生菜、蕃茄、蒙特利杰克芝士，配法式香蒜酱，配搭上已经有一定吸引度。好不容易几汉堡直切，睇得见材料十足，一层叠一层，件素汉堡扒咬落唔松散㖞，味道以芝士及法式香蒜酱衬托下，真喺唔错添，加埋其他蔬菜，感觉好健康。
迷你汉堡拼盘 $72睇出面个介绍牌，都唔知佢有薯仔波做伴菜，如果啲薯仔波再撒点淮盐或五香粉，味道更好。3个迷你汉堡分别喺「慢烧香脆猪腩肉配红卷心菜沙律」、「2安士牛肉汉堡配德州烧烤酱」及「炸鲜嫩白鱼柳配自制他他酱」。小巧嘅迷你汉堡，比起正常嘅汉堡食起嚟方便好多，而3款中，以猪腩肉汉堡觉得最特别，有咬口，配红卷心菜沙律，中和晒一齐油腻感；而牛肉汉堡喺预期嘅感觉，肉质松化，又富肉汁，配烧烤酱相当惹味；至于白鱼柳汉堡，鱼柳炸得外脆内嫩，虽无乜多大惊喜，但仍在水准之内。
Coke $12饮品有唔少选择，但嚟到咁富美式嘅餐厅，无理由唔试佢哋嘅奶昔，之但喺，总有人唔多喜欢奶昔嘅质感，觉得佢似溶晒嘅雪糕咁，一罐可乐，或许就喺一种惯常。
Tropical Forest $43奶昔共有4款，我哋试咗其中两款，初时拣Tropical Forest见佢成份有菠萝，原来喺鲜菠萝片，装饰用。淡黄色嘅Tropical Forest其实喺将石榴、芒果、热情果、青柠雪糕打匀，味道好清新，以酸味为主导，石榴味较为突出，芒果味似乎似有还无，然而，质感够厚够杰，又够大杯，爽晒！
Berry Lover $49睇个名你就知杯奶昔有咩成份，粉红色嘅Berry Lover以士多啤梨雪糕、红桑子、蓝莓打成，再加上忌廉、士多啤梨、蓝莓作为装饰，卖相份外吸引。比起Tropical Forest，依杯Berry Lover主题更明确，啖啖莓香，带微酸，冰凉清爽。一啖包，一啖奶昔，悠然自得真喺无乜形容错！
唔觉唔觉都食得几饱，甜品只好留待有机会再试，对个朱古力软蛋糕最感兴趣。题外话，点餐后店员会将食物送上，一般用餐嘅基本服务都会有，但喺却免收加一服务费，抵赞！
张贴
