嵐山日本料理

营业中

休息中

自问少出外食日本料理，所以甚少行入黎棉登径揾食。一直以为呢条街到夜晚酒吧营业先聚人气，原来中午都有唔少人专情黎食日本菜。今日同女友行开呢头，一转入棉登径就见到岚山招牌，门面装潢实而不华，全店装饰以木系材料为主，骤眼睇唔算起眼，却俾人一种沉实感觉。呢度午市定食款式唔算花巧，都系食鱼生饭同牛肉锅之类。由于小弟钟意食油脂甘香既鱼生饭，所以决定单叫「拖罗丼」(午市定食$148)。餐牌写呢度既「拖罗丼」即系中拖罗加万花拖罗蓉。黎到想食大拖罗朋友可能要散点寿司了。定食除左味噌汤、野菜沙津、茶碗蒸(日式蒸水蛋)，仲有一小碟脆卜卜银鱼仔同牛蒡。所有小碟份量都点到即止，好有料理feel。拖罗丼虽然只系用中拖罗，但已经见油脂渗透落珍珠米，饭味好甘香。食完大啖拖罗蓉见个口有d油，食番片腌黄萝卜就啱啱好。食完正餐仲送埋豆腐味雪糕，虽然食埋甜野有d饇，要饮多两杯绿茶解腻，不过一餐半餐就冇紧要啦，最紧要好食。