影片
更多
2015-07-19
644 浏览
老婆爱上食素，亦发现原来身边有唔少嘅朋友一样喜欢，大多数人都喺基于追求健康。故此，为吸引更多客人，尤其年轻人，依家嘅素食店真喺越嚟越讲究，少盐少糖少油都已经喺基本中嘅最基本，仲有采用天然食材，做法新派，卖相精细……，真喺一啲都唔「斋」！「悠蔬食」一个好特别嘅店名，知道佢嘅存在喺从饮食杂志之上，今晚造访，绝无犹豫不决。由门口以至室内，都喺一室湖水蓝衬白，已经予人简洁爽朗嘅感觉，加上窗框、座椅，均以通花为设计造型，更显优雅。如果坐晌卡位，窗下更放置鲜花作点缀，对住鲜花，有多一份抒畅恬静之感。「悠」喺要悠闲唔急赶，「蔬食」为嘅就喺一顿美味嘅素菜。翻阅餐牌之时，才发现原来店家亦设有贵宾房，就晌一入门口右边，两个贵宾房各可容纳12人，亦可打通共用，可惜当晚见到有客人正在用餐，未有机会入去睇睇。如果够人多，真喺订个房，多点私隐，倾得更畅快。讲开个餐牌，实在几大本，因为罗列嘅美食确实好多，由午市套餐、下午茶套餐、晚巿套餐，以至唔同时段嘅散点、甜品、饮品，仲有多款供12人享用嘅围菜，真喺唔同时段嚟都有大把选择。所以，对住咁多美食，搞到我都真喺有啲犹豫不决。不过，补充一句，餐厅晌唔同时段均设有唔同嘅最低
由门口以至室内，都喺一室湖水蓝衬白，已经予人简洁爽朗嘅感觉，加上窗框、座椅，均以通花为设计造型，更显优雅。
如果坐晌卡位，窗下更放置鲜花作点缀，对住鲜花，有多一份抒畅恬静之感。「悠」喺要悠闲唔急赶，「蔬食」为嘅就喺一顿美味嘅素菜。
翻阅餐牌之时，才发现原来店家亦设有贵宾房，就晌一入门口右边，两个贵宾房各可容纳12人，亦可打通共用，可惜当晚见到有客人正在用餐，未有机会入去睇睇。如果够人多，真喺订个房，多点私隐，倾得更畅快。
讲开个餐牌，实在几大本，因为罗列嘅美食确实好多，由午市套餐、下午茶套餐、晚巿套餐，以至唔同时段嘅散点、甜品、饮品，仲有多款供12人享用嘅围菜，真喺唔同时段嚟都有大把选择。所以，对住咁多美食，搞到我都真喺有啲犹豫不决。不过，补充一句，餐厅晌唔同时段均设有唔同嘅最低消费额，例如，晚市就每位$200，但事后问过店员，都唔喺强硬性执行，指标性嘅作用比较多啲。
拣嘢食真喺几烦，心大心细，所以，就先晌晚巿套餐埋手，5道菜嘅晚餐包括前菜、手卷、汤品、主食及甜品，定价$218 + 10%，菜式丰富，又一定过到个最低消费。此外，又可以以优惠价加配饮品。一行3人，就点两个套餐，再加少少散点！
前菜共有3款食物：香桩拌豆腐、麻酱藜麦拌丝瓜、凉拌牛蒡粉皮，无论多少个人点晚餐，都一样有齐依3样嘢，只喺份量上嘅区别。样样都份量少少，喜与友人共享。
前菜：麻酱藜麦拌丝瓜、香桩拌豆腐、凉拌牛蒡粉皮
36 浏览
0 赞好
0 留言
极之健康嘅藜麦喺近年大热，混入丝瓜丝、甘笋丝，以胡麻酱调和，既有浓香芝麻味，又有清爽口感，所以，要健康有健康，要好味有好味。
麻酱藜麦拌丝瓜
29 浏览
1 赞好
0 留言
简单味美足以形容依小碟前菜，薄切嘅豆腐厚薄如一，刀功尽显，豆腐入口非常嫩滑，放上小撮香桩酱，咸香得嚟更能吊出豆香。
香桩拌豆腐
40 浏览
1 赞好
0 留言
软糯嘅粉皮，搭上爽脆嘅牛蒡，比较少有嘅组合，糁上黑白芝麻，多几分香气，若然添少许油醋，味道唔知会唔会更有层次。
凉拌牛蒡粉皮
38 浏览
0 赞好
0 留言
有两款选择，一喺露笋素香松苜蓿芽手卷，一喺就香芒牛油果苜蓿芽手卷，我哋3个人无理由要其中一个无得食，手卷嘅嘢又好难「些牙」嘛，所以，额外多叫一客露笋素香松苜蓿芽手卷（$28），因为散叫香芒牛油果苜蓿芽手卷收贵少少嘛，要$38一客。两者嘅紫菜都好脆卜卜，友人试嘅露笋素香松苜蓿芽手卷，爽脆有咬口，味道较清新，而小弟试嘅香芒牛油果苜蓿芽手卷，则带有清甜味，只可惜香芒同牛油果都得少少，食得唔够喉。
手卷：露笋素香松苜蓿芽手卷、香芒牛油果苜蓿芽手卷。
80 浏览
0 赞好
0 留言
松露忌廉蘑菇浓汤及松茸百合莲子炖汤任择其一，我哋点两个餐就当然两款试晒，因为每款汤品份量唔少，所以，大家都可以共享试晒两款。
松露忌廉蘑菇浓汤
47 浏览
1 赞好
0 留言
松茸百合莲子炖汤
49 浏览
1 赞好
0 留言
将蘑菇打碎，再加入松露油做成嘅忌廉浓汤，质感比较杰身，带有满满嘅蘑菇粒粒感，但香味实在浓郁幽香。事后问番，原来啲蘑菇唔该意打得太碎太蓉，希望多一份口感，同埋睇得出真材实料。
松茸百合莲子炖汤炖汤几时都喺咁得人欢心，唔单用料，亦都火喉十足，饮一啖感觉醇和清甜，好似啖啖都喺浓缩嘅精华。再者，莲子松化，松茸香味突出，感受到一份用料不赖嘅心。再者，单叫一客炖汤都要$88，所以，点晚餐真喺超划算。
主食有4款选择，分别喺珍珠糙米饭、意大利饭、咖喱配印度薄饼及扁意粉，但后两者要另外补多$20。红咖喱野菜猴菇丸配印度薄饼及糙米饭
个红咖喱份量著实不少，内里有好多野菜，如芋头、意大利黄瓜、三色椒、露笋、青瓜、西兰花……等等，红咖喱本身带少辣，充满香料味，而猴头菇做嘅「肉丸」，口感真有几分似，松软而菇味浓。无论印度薄饼，抑或珍珠米（糙米饭已卖晒），沾满咖喱就宁舍好食。
红咖喱野菜猴菇丸配印度薄饼及糙米饭
34 浏览
0 赞好
0 留言
牛肝野菌忌廉扁意粉杂菌类意粉一向甚合小弟心水，依道扁意粉，咪睇落似喺细细份，其实只碟底几深，我哋3个人绝对足够分享。扁意粉煮得啱啱好，甚有咬口，每条面都挂满忌廉汁，香滑好食；而牛肝菌加埋少少杂菇，又有啲火箭菜、意大利黄瓜、露笋……等等，感觉份外健康。
牛肝野菌忌廉扁意粉
51 浏览
1 赞好
0 留言
除咗指定嘅加配饮品选择外，就算拣其他嘢饮都得，可有减$10嘅优惠，所以，就接受店员嘅推介，拣咗几杯慢磨鲜果汁，每杯散叫要$42杯，店员好好人，仲俾够3杯都以优惠价结算。
Vita-C奇异果汁、清润苹果雪梨汁、高红素蕃茄汁每一款都列明唔同成份，以及其功效，最紧要唔只色泽好睇，更要喺味道唔错。就以小弟嘅奇异果汁为例，酸酸甜甜，清新清凉，酸味中有渗出点点香蕉味，甚得意。顺便讲讲，咩叫慢磨，按店员嘅介绍，就喺以慢磨机嚟打果汁，慢慢磨，务求唔产生高热，除去鲜果营养嘅流失或变质，保持原汁原味。
Vita-C奇异果汁、清润苹果雪梨汁、高红素蕃茄汁
77 浏览
1 赞好
0 留言
晚餐只包两件黑芝麻糕或一件抹茶乳酪蛋糕，嗜甜嘅朋友，更特别多挑一客抹茶马蹄糕（$38/4件）。3款甜品，同时放于一碟中上枱。
抹茶乳酪蛋糕细细件，的的骰骰，配几粒红豆蓉，卖相精致。消化饼底够薄身，中间嘅抹茶芝士认真唔错，既有抹茶嘅幽香，又有芝士嘅香浓。
抹茶乳酪蛋糕
58 浏览
1 赞好
0 留言
个抹茶马蹄糕几特别，抹茶味无盖过马蹄嘅清甜，再者，啲马蹄好爽脆，算有啲惊喜。
抹茶马蹄糕
47 浏览
2 赞好
0 留言
乌卒卒嘅黑芝麻糕，口感比较硬身咗少少，但不失黑芝麻嘅香味。
黑芝麻糕
165 浏览
1 赞好
0 留言
张贴
