影片
更多
2022-06-03
120 浏览
今晚收工约左食饭，收得工都七点几。今日又唔系星期五，所以拣食饭地方，就脚就好紧要。所以今晚就拣左喺始创食，又近旺角又喺太子又近旺角东始创其实都有唔少食肆，除左日本野、中菜同素食，仲有我地今晚食呢间西餐，amica闲日夜晚，餐厅门口出面既位就冇人坐，但餐厅入面都有唔少人。我地坐窗边位，望住西洋菜南街。我地叫左两个dinner set，选择都好多。可以锯排，食烧春鸡、意粉、炖饭，连鱼都有两款可以拣。我地既main就拣左炭烧美国斧头猪配柚子烧汁同埋黑松露野菌美国芦笋意大利饭。前菜先上。我地拣左一个沙律一个汤。沙律系杂菜沙律，沙律菜都几新鲜，dressing岩岩好，够清新汤系蕃茄汤，侍应话系餐厅现打，我地饮得出蕃茄肉既质感同新鲜蕃茄既味，唔系开盒果种糊哂既口感同味道配上餐包同牛油，感觉都系几清新，同沙律一样咁开胃主菜同餐饮转头就上齐意大利饭一上就闻到好香既黑松露香饭既份量适中，饭粒唔会太林，系有咬口再少少偏向林身既口感成个意大利饭既口感同材料都几丰富，除左够creamy，每啖饭都夹杂住唔同既菇菌或者芦笋，所以唔会觉得好腻而且调味唔会好咸，系岩岩好够咸，令到你更加会食到菇菌同芦笋既香味至于斧头排
始创其实都有唔少食肆，除左日本野、中菜同素食，仲有我地今晚食呢间西餐，amica
闲日夜晚，餐厅门口出面既位就冇人坐，但餐厅入面都有唔少人。我地坐窗边位，望住西洋菜南街。
我地叫左两个dinner set，选择都好多。可以锯排，食烧春鸡、意粉、炖饭，连鱼都有两款可以拣。我地既main就拣左炭烧美国斧头猪配柚子烧汁同埋黑松露野菌美国芦笋意大利饭。
前菜先上。我地拣左一个沙律一个汤。沙律系杂菜沙律，沙律菜都几新鲜，dressing岩岩好，够清新
汤系蕃茄汤，侍应话系餐厅现打，我地饮得出蕃茄肉既质感同新鲜蕃茄既味，唔系开盒果种糊哂既口感同味道
配上餐包同牛油，感觉都系几清新，同沙律一样咁开胃
主菜同餐饮转头就上齐
意大利饭一上就闻到好香既黑松露香
饭既份量适中，饭粒唔会太林，系有咬口再少少偏向林身既口感
成个意大利饭既口感同材料都几丰富，除左够creamy，每啖饭都夹杂住唔同既菇菌或者芦笋，所以唔会觉得好腻
而且调味唔会好咸，系岩岩好够咸，令到你更加会食到菇菌同芦笋既香味
至于斧头排，成块排连埋枝大骨好够气势
咁大块猪排，火侯控制系最紧要，因为咁大块排，油脂量唔一定多同油脂分布都唔一定好均匀
一下切开两半，猪排既中心依然带少少粉红色，生熟程度应该系岩岩好
猪排切开，juicy得黎有咬口，而且愈o赵愈有猪肉既香味，配上佢既柚子烧汁，咸香得黎又带柚子蜜既酸甜同香味，整体黎讲做得唔错
配菜系炸新薯同西兰花苗，新薯外脆内软，用岩岩好既盐黎调味，食完一旧又想再食
西兰花苗新鲜爽脆、比起甘笋果d，做薯菜就更加有吸引力
餐饮我地一杯叫左薄荷朱古力，一杯柑橘柠檬荔枝冷泡茶
薄荷朱古力香甜幼滑，而且有阵阵薄荷香，唔会淡茂茂，都算系诚意之作
冷泡茶亦都几重柑橘类既香气，而且有一块块既荔枝肉，酸甜清新又解渴解腻。
整体黎讲，上菜速度都算快，餐厅侍应都好好礼貌，而且餐厅静静地咁几舒服
其他食客都系慢慢食，慢慢倾计，我地左右两枱食客早过我地黎，但我地食完坐左阵佢地都仲好写意倾紧计👍🏻
餐厅既氛围确实几好，会令人放松慢慢食，食完又坐下倾下计，成个体验都好舒服😌令我几钟意👍🏻
食完两个set dinner，本身都谂紧好唔好叫个甜品黎试下。但饮哂两杯餐饮之后，感觉都好饱下，所以下次先再黎试下佢地d窝夫同埋睇落都好吸引既香蕉拖肥批。
张贴
