泰聚 (已結業)

一向都好喜欢泰国菜，但系天水围泰菜的选择并不多，通常会和家人去洪水桥吃泰菜。最近知道原来西铁站的聚星楼附近，开左一间泰菜，一直都想试下，之前睇过晚饭的MENU，价钱偏贵，所以未有一试。后来知道原来有午餐的套餐，价钱较合理，衬星期六又谂唔到有乜野想食，就去试下。叫左个海南鸡饭，份量都好够，最欣赏的地方系无骨既，如果怕骨的朋友，啱晒。个汁较浓味，点少少已够味，鸡饭虽然唔够香，但唔会好油，都OK的，如果以＄58来讲，都算OK架。仲叫左另一个套餐，香草肉碎蛋饭，香香辣辣，十分惹味，好有惊喜！但吃到后期，见到碟底比较多油，如果可以少D，咁就会比较健康。餐厅较多户外位置，由于当日天气不错，唔会太热，所以坐户外都OK，但如果天气热的话都几辛苦。应该会有下一次，因为想试埋D 檬粉系列。