影片
更多
2012-01-18
159 浏览
十二月见天气几好，有太阳又唔晒，同屋企人由中环搭船到南丫岛榕树湾，然后行山去索罟湾。榕树湾𠮶边有好多细细间舖头仔卖D得意嘢，又有凉茶卖，一路行一路饮。经过阿婆豆腐花，食咗豆腐花又再行。由榕树湾行去索罟湾，差不多一个钟头，沿路经过沙滩，风景好靓，周围有山有水，又唔辛苦，下次可以再约朋友行。去到索罟湾，第一间见到呢间LAMMA HILTON，之前都听朋友讲过，话D嘢食几好同唔贵，环境又舒服，咪试吓啰。坐落又真系好舒服㖞，唔会好嘈同坐得迫，可以慢慢叹同睇风景。我哋3个人叫咗几款海鲜，有白灼虾、椒盐濑尿虾皇（1只 share 黎食）、蒜蓉蒸元贝、蒸石蚌、清炒菜心、红烧豆腐同杨州炒饭，样样嘢都好食同新鲜，冇加一，埋单都系每人200蚊倒，值得再嚟。白灼虾都几大只 - 好爽好鲜甜。椒盐濑尿虾皇 - 炸得干身唔会好油，椒盐嘅味道啱啱好，好嘢味，但唔咸。蒜蓉蒸元贝 - 味道都唔错，有D粉丝伴吓索D汁，元贝就略为熟咗D。蒸石蚌 - 蒸得啱啱好，条鱼都几滑，鱼豉油好味。清炒菜心 - 炒得一D都唔油，D菜好嫩好甜，不过唔够多。红烧豆腐–豆腐炸得好靓好滑，味道都算唔错。杨州炒饭 - 够大碟，炒得一粒粒，够干身同
去到索罟湾，第一间见到呢间LAMMA HILTON，之前都听朋友讲过，话D嘢食几好同唔贵，环境又舒服，咪试吓啰。坐落又真系好舒服㖞，唔会好嘈同坐得迫，可以慢慢叹同睇风景。我哋3个人叫咗几款海鲜，有白灼虾、椒盐濑尿虾皇（1只 share 黎食）、蒜蓉蒸元贝、蒸石蚌、清炒菜心、红烧豆腐同杨州炒饭，样样嘢都好食同新鲜，冇加一，埋单都系每人200蚊倒，值得再嚟。
白灼虾都几大只 - 好爽好鲜甜。
椒盐濑尿虾皇 - 炸得干身唔会好油，椒盐嘅味道啱啱好，好嘢味，但唔咸。
蒜蓉蒸元贝 - 味道都唔错，有D粉丝伴吓索D汁，元贝就略为熟咗D。
蒸石蚌 - 蒸得啱啱好，条鱼都几滑，鱼豉油好味。
清炒菜心 - 炒得一D都唔油，D菜好嫩好甜，不过唔够多。
红烧豆腐–豆腐炸得好靓好滑，味道都算唔错。
杨州炒饭 - 够大碟，炒得一粒粒，够干身同唔油，几好味。
悠闲的周末下午，望住海景叹番餐安乐饭，是最好的booster!
有机会会再来。
张贴
