The Salfee Bar

营业中

休息中

在繁忙嘅闹市中 比我揾到间冇乜人嘅cafe就晌尖东sogo嘅旁边 装修非常和风🇯🇵有流水嘅墙壁不论坐室内定室外一样咁chill食物看似普通 但食落有惊喜😃🔸吞拿鱼蛋沙律墨西哥卷饼皮烟韧唔湿，内含超多蔬菜丝、蛋沙律、吞拿鱼，好清新爽口，同埋沙律酱唔会好多，所以好轻盈健康。🔸三拼沙律拣咗莲藕粉丝、鸡胸西兰花、番茄仔水牛芝士。莲藕粉丝惊喜地好食！系和风嘅醋渍，兼有麻油香！食落酸甜开胃，莲藕好爽，仲洒咗啲紫菜碎，味道👍🏻👍🏻。另外，鸡胸都系好嫩滑大块，好好味！🔸特浓朱古力曲奇（带返个头盔先：我本身好钟意食朱古力，对朱古力产品嘅甜度接受能力高😆）我十分喜爱哩个曲奇🍪！味道好浓！边位少少脆，而曲奇较厚身，咬落中间似蛋糕同埋有啲软嘅朱古力，成个都好朱古力！！🔸Dirty 、 Latte咖啡水准不错，够厚身，香浓度温和适中，奶几滑。