NATURA : (已結業)

今日出开湾仔，饿饿地无意中见到呢一间coffee shop，就入去试吓。餐厅入面好宽敞，而且有好多植物嘅装饰，整间餐厅俾人嘅感觉系好舒服。星期六下午人流唔算多，一入餐厅就可以直接入座。餐厅有最低消费，而且只可以坐90分钟，所以争取时间快快睇Menu叫嘢食。餐牌上食品嘅种类都几多款式，今次拣咗一个温泉蛋牛油果大啡菇酸种面包，同埋叫咗一杯Dirty。酸种面包外脆内软，面包上面有一堆大啡菇切片，中间有温泉蛋同牛油果，最上面仲有一层芝士。大啡菇味道浓郁，唔需要太多调味已经好好味。令我觉得有惊喜嘅竟然系隔离棵罗马生菜，上面𠮶个酱非常清新，酸酸地好开胃。至于咖啡嘅味道亦都唔错。嚟呢度渡过一个悠闲嘅星期六下午系一个唔错嘅选择。