影片
更多
2021-06-21
1150 浏览
2021年6月10日 星期四今日难得同老婆一齐早收工，可以出铜锣湾悠悠闲闲咁行下街，度过倒数既二人世界行到有啲攰攰地，就入咗去呢一间餐厅食下野，休息一下幸好餐厅都唔算太多人，等左一阵间就有位坐，餐厅系以先点餐付费，后入座既方式运行，所以要预先谂咗食乜嘢先入去餐厅嘅冻柜摆满咗好多各式各样嘅蛋糕同牛角包，全部都好精美，完全唔知拣边一款好，最后我同老婆每人决定各要一款牛角包加一件蛋糕share食，咁就可以尝试多啲唔同嘅款式价钱$200有找，有两个牛角包同三件蛋糕，铜锣湾来讲感觉都唔算太贵首先呢一个系我要嘅意式朱古力吉士牛角包，一切开里面就有好多朱古力吉士流出嚟，同出面既酥皮牛角包一齐食，味道啱啱好，唔会太过甜蛋糕方面有米兰芝士蛋糕，每一啖都充满芝士嘅浓郁香味，感觉幼滑，食完之后唔会觉得太过腻呢一个蛋糕系我最推荐嘅，红莓慕丝蛋糕，味道酸酸甜甜，够晒醒神，配合埋一杯茶既话，真系可以叹足整个下午最后仲有呢个椰香朱古力蛋糕，无谂过会充满椰香味之余，同朱古力又咁夹，师傅将朱古力蛋糕整得层次分明，用椰丝酱代替忌廉，竟然诞生左味道唔错既制成品其实有时悠闲咁食下蛋糕抖返一日都真系唔错
今日难得同老婆一齐早收工，可以出铜锣湾悠悠闲闲咁行下街，度过倒数既二人世界
行到有啲攰攰地，就入咗去呢一间餐厅食下野，休息一下
幸好餐厅都唔算太多人，等左一阵间就有位坐，餐厅系以先点餐付费，后入座既方式运行，所以要预先谂咗食乜嘢先入去
餐厅嘅冻柜摆满咗好多各式各样嘅蛋糕同牛角包，全部都好精美，完全唔知拣边一款好，最后我同老婆每人决定各要一款牛角包加一件蛋糕share食，咁就可以尝试多啲唔同嘅款式
价钱$200有找，有两个牛角包同三件蛋糕，铜锣湾来讲感觉都唔算太贵
首先呢一个系我要嘅意式朱古力吉士牛角包，一切开里面就有好多朱古力吉士流出嚟，同出面既酥皮牛角包一齐食，味道啱啱好，唔会太过甜
蛋糕方面有米兰芝士蛋糕，每一啖都充满芝士嘅浓郁香味，感觉幼滑，食完之后唔会觉得太过腻
呢一个蛋糕系我最推荐嘅，红莓慕丝蛋糕，味道酸酸甜甜，够晒醒神，配合埋一杯茶既话，真系可以叹足整个下午
最后仲有呢个椰香朱古力蛋糕，无谂过会充满椰香味之余，同朱古力又咁夹，师傅将朱古力蛋糕整得层次分明，用椰丝酱代替忌廉，竟然诞生左味道唔错既制成品
其实有时悠闲咁食下蛋糕抖返一日都真系唔错
张贴
