一日一咖啡吧

营业中

休息中

平日放假带阿妈做文青一天，喺上环繁华嘅街道，小店Cafe 十分适合食个悠闲早餐。一入到餐厅，职员十分友善，问我们堂食或外卖。拣咗个靓位，拣完食乜之后行去收银点餐。环境都十分优美，木系装饰，我钟意。食早餐当然要试下signature breakfast, 十分惊喜，每一件都食得岀用心制作，肠仔和烟肉都煎得好香，一啲都唔油腻，牛角包都好松软，软林林暖笠笠好好食。开心同阿妈一齐黎，可以同佢一人一半，试埋佢拣的Parma ham Big Benedict. 个酱整得超好食，配Parma ham 超好香，我忍唔住两三啖就已经食晒.黎到cafe点可以唔叫咖啡，杯 latte 都好香咖啡味，奶同咖啡嘅比例刚刚好。我当然要冻饮啦，Golden Lemon Fizzy, 卖相已经好吸引，一饮落口十分有惊喜，有汽汽水配上枫蜜加上柠檬， 十分清新。好彩嚟得早，食完之后12点几都已经好多人。