大和堂咖啡店

营业中

休息中

大和堂一直响我wish list, 一直未有机会试，难得今日放假，就过嚟碰下运气有冇位先！可能过咗peak hour, 幸运地可以直入。佢安排我哋坐咗一张大台，感觉系前身店舖张台已有响度。佢哋保留咗一啲之前舖头嘅特色装修，例如百子柜，有一度好旧嘅铁门入去后面嘅洗水间，充满特色😊我哋分别叫咗自家制热香饼，鸡蛋仔与鸡，法式焦糖多士。热香饼最有特色嘅系，佢有几粒好似反沙芋嘅脆糖，仲有佢跟嚟嘅蜂蜜，蜂蜜唔太甜👍🏻，配热香饼刚刚好👍🏻👍🏻鸡蛋仔与鸡系俾佢外观吸引咗，鸡蛋仔略嫌多粉咗啲同唔够脆，但呢个配搭食起上嚟就冇咁漏。最后嘅toast 系我想食嘅French toast, 充满蛋浆，唔错唔错！而咖啡方面，我拣咗佢哋嘅推介，大和堂鲜奶咖啡同冷泡咖啡，杯latte原来系伯爵茶latte，饮落仲有淡淡蜜糖味🍯Cold brew上台时跟咗个茶楼饮茶嘅茶杯仔，好贴合呢间cafe嘅整体装修同陈设😊