影片
更多
2017-07-30
1464 浏览
保龄球，一样十几年都未掂过嘅运动。早前朋友无啦拉挑起条筋话玩下，所以大家收工就约左过黎丽城呢边打波了，其实系荃湾另一个太多人无位了先行远少少过黎。但正正系咁样，我地先又可以食到餐好野。陋室系正奇乐保龄球场上面，我地黎到𠮶时见时间尚早就系度食埋野先再打波。食物选择虽然大约分为汉堡及意大利饭两种，但组合非常多元化连少见嘅羊肉汉堡都有，我地都花多眼乱唔佑拣咩食好，谂左一大轮先拣到以下嘅食物了。黑松露流心芝士汉堡包，加左＄５将薯条转做炸洋葱圈。餐饮跟配零糖可乐。汉堡分量都几大，汉堡肉因为手打关系唔会死实，而且牛肉煎到啱啱好半熟所以保留左好多肉汁。加上流心效果好满意，大口咬落去时肉汁同芝士都搞到成手都系。而且个包分别用上Mozzarella同Cheddar两只，所以食落唔会咁单调同口感都丰富啲。炸洋葱圈系惊喜之作，炸浆偏结实但无损酥脆口感，加上本身有做调味所以唔使点茄汁都已经够好食了。所以呢５蚊真系无加错。朋友就点左黑松露芝士烤大啡菇煎意大利饭，跟配柠檬水。煎意大利饭都真系第一次听，但估唔到出黎效果又几唔错。饭粒煮得几烟韧加上调味偏淡，入口可以充分食到混入里面嘅芝士香味。因为佢再额外塑型煎香饭团
陋室系正奇乐保龄球场上面，我地黎到𠮶时见时间尚早就系度食埋野先再打波。
食物选择虽然大约分为汉堡及意大利饭两种，但组合非常多元化连少见嘅羊肉汉堡都有，我地都花多眼乱唔佑拣咩食好，谂左一大轮先拣到以下嘅食物了。
黑松露流心芝士汉堡包
$69
21 浏览
0 赞好
0 留言
汉堡分量都几大，汉堡肉因为手打关系唔会死实，而且牛肉煎到啱啱好半熟所以保留左好多肉汁。加上流心效果好满意，大口咬落去时肉汁同芝士都搞到成手都系。而且个包分别用上Mozzarella同Cheddar两只，所以食落唔会咁单调同口感都丰富啲。
炸洋葱圈系惊喜之作，炸浆偏结实但无损酥脆口感，加上本身有做调味所以唔使点茄汁都已经够好食了。所以呢５蚊真系无加错。
黑松露芝士烤大啡菇煎意大利饭
$83
12 浏览
0 赞好
0 留言
煎意大利饭都真系第一次听，但估唔到出黎效果又几唔错。饭粒煮得几烟韧加上调味偏淡，入口可以充分食到混入里面嘅芝士香味。因为佢再额外塑型煎香饭团嘅两面，令米饭再添几分焦香。咁嘅做法有姿势得黎更有实际。
大啡菇同样以两款芝士作调味烤焗，而且洒上大量黑松露酱令啡菇嘅香味更加突出。啡菇体积之大更可以好似锯扒咁样切黎食，好有满足感。
临走先发觉门口个晚餐牌，上面嘅套餐更抵食仲有甜品送。走漏眼。
其实边食我地都发觉呢度环境真系几舒服，周边放满各类消闲玩意好似UNO，层层叠咁，门口仲有两部旧式街机。非常适合消磨时间。可能系佢位处有啲偏远所以唔系咁多人知，但正正系咁样更可以让人放慢脚步，享受下悠闲时光。引用呢度＜＜陋室铭＞＞嘅一句：斯是陋室，惟吾德馨。
张贴
