Plaza Cafe (已結業)

团购下午茶，原价$2××，团购价$118 for two. 揾路都几麻烦，因为邮轮码头太大。但交通都算方便。餐厅环境都ok, 有大片玻璃望到出面公园。今日唔系好多人黎食，可以静静地放松下团购嘅下午茶可以拣两杯饮品，个餐有三件唔同味嘅三文治、炸鱼薯条、几件迷你松饼、焦糖布丁、tiramisu、朱古力蛋糕同杂莓挞。三件三文治都好好食。碎蛋治上面嘅好似系风干火腿，甜甜地脆脆地，好好食。黑松露杂菌治嘅杂菌都好多，口感丰富。香草三文鱼就最啱我口味炸鱼薯条都好香脆，就算我摆耐咗都好好食，有沙律酱同茄汁可以点。几件松饼，两件芝士味、两件有少少姜味，仲有一件我觉得最好食，但唔知咩味有，有红莓喺上面。可以搽草莓酱（有草莓粒）或牛油忌廉。虽然个人觉得草莓酱同松饼衬啲，但不得不赞个牛油忌廉真系好香口！Tiramisu食到底层个蛋糕湿湿地，有咖啡渗出黎，几得意。杂莓挞toppings丰富，个底都好厚，好香牛油味！服务态度、环境同食物质素都好好，唯一扣分嘅系我坐果个位有几只小飞虫不停喺我附近飞。其实店面同餐具睇落都好干净，唔明点解会有小昆虫。如果冇咗啲昆虫，呢间餐厅真系几吸引。