影片
更多
2014-11-27
10951 浏览
ZAKS位于愉景湾，对于市区人黎讲真系远到不能再远，要不是朝早同朋友去迪欣湖影相，出黎时又心痒痒想食餐好，我谂都冇咩机会会山长水远入黎食喇！(利申：第1次入愉景湾) 同行朋友早就食过ZAKS，话味道好、景观好、份量大又够哂relax，于是我地三个人不顾车费有几贵都照碌左入黎由于入到黎已经下昼4点，我地夜晚又会返去食饭，于是只叫了一个pasta同side dish，免得食太饱搞到夜晚食唔落饭。Menu好多野都好吸引，最后我地拣左 Carbonara同加 $50叫了个 Chips医肚！French Chips坐左一阵个薯条就黎到喇，真系如朋友所言，以为side dish会好细，点知黎到真系几大份，仲要系我最中意嘅粗薯条！食落热辣辣，应该系新鲜炸好，又唔会太㶶啱啱好，而且食到「薯」味架，啱哂我呢啲薯王Fettuccine Carbonara再黎就系Carbonara，一上又系大家都话好大碟，标准American外国protion，正常一个香港人食一个真系饱到喊。讲番味道，Cheese味浓，落烟肉毫不手软，又大块又多，但个人觉得烟肉size略大，细少少会好啲。面条唔会太焾（我中意食硬身啲），够
由于入到黎已经下昼4点，我地夜晚又会返去食饭，于是只叫了一个pasta同side dish，免得食太饱搞到夜晚食唔落饭。Menu好多野都好吸引，最后我地拣左 Carbonara同加 $50叫了个 Chips医肚！
French Chips坐左一阵个薯条就黎到喇，真系如朋友所言，以为side dish会好细，点知黎到真系几大份，仲要系我最中意嘅粗薯条！食落热辣辣，应该系新鲜炸好，又唔会太㶶啱啱好，而且食到「薯」味架，啱哂我呢啲薯王
Fettuccine Carbonara再黎就系Carbonara，一上又系大家都话好大碟，标准American外国protion，正常一个香港人食一个真系饱到喊。讲番味道，Cheese味浓，落烟肉毫不手软，又大块又多，但个人觉得烟肉size略大，细少少会好啲。面条唔会太焾（我中意食硬身啲），够al dente，配埋个汁同烟肉好味到晕！
呢度个环境真系好正，睇住个海同朋友一边倾计一边食好野，仲唔系视觉Ｘ味觉享受？朋友话呢度夜晚仲可以远望迪士尼烟花，好想下次入黑后黎睇住烟花再叹呀！
最后我地埋单总数$204，每人$68，净系个环境都值回票价。另外再提大家呢度啲野份量真系好大，我地见到有一对情侣同我地样再叫多左个salad食唔哂剩番好多，不过睇openrice好似系比打包的，咁食唔哂都唔驶浪费食物啦，尤其是咁好食
下次应该揾个假日早啲入黎系沙滩坐下，再去食个lunch或者dinner，咁就值回票价！
我地食完再行左一两个钟，天黑时经过仲见到pair情侣系度，睇黎间野都唔赶人，下次黎真系要慢慢叹个靓景同食物，我已经定左下次target系mushroom risotto架喇！
张贴
