意樂餐廳 (天晉匯2)

营业中

休息中

打风过后o既天晴，出去走走就想去天晋汇食下午茶hea下，系商场行极都系去番老地方 - 意乐餐厅落脚。我同友人钟意呢度够静，唔多人，可以好悠闲咁慢慢享受下午茶。我拣左蒜香牛油厚多士配热奶茶，友人就拣左香烤鸡扒包配滋味脆薯条 + 热鸳鸯。蒜香牛油厚多士:  蒜香味好浓，好够蒜，牛油令蒜香好出，多士烘得好脆，好香口。香烤鸡扒包配滋味脆薯条:  面包烤过，好似澳门猪排包果种，好香脆。鸡扒就无乜特别，面包同鸡扒中间冇加任何汁酱，令到成个包好失色。如果落下啲牛油或者蛋黄酱，相信会更加好味。至于滋味脆薯条就超好味 ，薯条好脆，完全唔系麦当劳果种，似薯条沾了炸粉o既松脆，反而我觉得香脆程度更胜过麦当劳o既薯条。热奶茶同热鸳鸯味道都系正常，冇乜特别。以环境同价钱黎讲，意乐算唔错，连锁快餐店都好难有呢啲o既质素，值得再度 encore。