祥仔 (K11購物藝術館)

营业中

休息中

同朋友系尖沙咀下午茶，知道呢间餐厅最近喺K11开咗分店，所以约朋友喺呢度食。呢度嘅装修比荔枝角分店高级一啲，都几配合K11呢个艺术商场，简约风格，座位阔落，倾计吹水都唔错。纽西兰牛肉炒蛋福袋三文治配田园素菜沙律，三文治炸到好松脆，牛肉炒蛋份量都几多，三文治只系装住三份一嘅牛肉炒蛋，其余三份二嘅炒蛋要净食，如果有四片三文治就更加好，所有牛肉炒蛋都可以同三文治一齐食口感系最好。姜汁焦糖炖蛋有少少中西合璧嘅做法，姜汁味唔算浓，我钟意重口味啲嘅姜汁，焦糖炖蛋有水准，份量亦比一般嘅甜品杯多一倍左右。拿铁咖啡同港式奶茶都水准稳定。以呢个下午茶价钱你讲都算抵食。