Aurora Fusion Restaurant (已結業)

话说疯魔shopping宝宝们嘅海港城优惠卷要到期了，我朋友拉埋我去。。。。。。陪佢血拼，衫吖，钱包吖仲有护肤品，买完见到海港城中心水嘅餐厅都多人排队，太攰 唔想排队所以行前咗几步去咗有小食街之称嘅亚士厘道揾食，见到有间餐厅感觉几舒服而且干净光鲜，见到lunch menu食物item都啱食，就去试试！ 星期日响依类型餐厅唔多有lunch set，通常都系a la carte多，依排食得中餐多，好挂住想食汉堡， 点左佢地嘅招牌汉堡！汉堡到几厚吓，除左包内有好多食材之外，汉堡牛肉到好厚！ 包内除咗有平时汉堡包有嘅生菜，酸青瓜，芝士生菜，手打牛肉之外，仲有大量烟肉！原来加埋烟肉，整个包嘅口感同味道都大大提升了！旁边嘅薯条都好正，脆之余仲好松化，条条都几长下，食落几过瘾！ 朋友食嘅系墨西哥鸡卷， 里面系大大件又软熟嘅鸡肉，啖啖肉，大量芝士，卷外面舖上蕃茄粒同牛油果酱，一路食一路健康，仲够饱！有薯条之余仲有好新鲜嘅沙律菜，食完十分美满！食完餐饭，我哋仲响倾咗近一个钟计，又无人赶我哋走嘅感觉，下次同朋友weekend想吹水都可以拣依间😊