雅苑座

星期日中午同老婆出来松一松，去左尖沙嘴帝苑既雅苑座食自助餐。食自助餐最怕同人争餐饱，又或者食食下唔再出某啲野食，例如鱼生、蚝、蛋糕、生果之类。来这里食就无呢个问题，由头食到尾啲野食未停过，所以大家都唔洗争，根本就攞极都仲不停供应，所以可以享受慢慢食。自助饮品有橙汁、柑桔柠檬、奶茶咖啡等，试左个柑桔柠檬，冻冻地几醒胃。食物方面觉得甜品比热盘出式，当然一般的蟹脚、翡翠螺、三文鱼、吞拿鱼等等样样齐全。热盘估唔到有烧牛肉，虽然有啲生，但几好味，而老婆怕牛肉太生，结果餐厅职员帮手攞去厨房煎熟啲😀👍🏼，服务几细心。甜品提介提拉米苏，我们两人差不多食左半个😜但佢好快又添返出来👍🏼，松软香滑，劲正。蝴蝶酥都好正，唔会太甜，又松脆。