牧羊少年咖啡館 (已結業)

假期既午餐通常都会选择去荃湾广场内嘅食肆，今日放大假去大会堂行个圈，发觉开咗一间牧羊少年，啱啱太子店开既时候间中都有同朋友去帮衬，开始多咗自由行排队就冇再去，见到荃湾店门口摆满密密麻麻嘅书本同柔和的灯光，就令我联想起返学既时候！餐厅所有书籍都系客人捐出，捐出两本书籍仲可以有25蚊咖啡券！里面嘅书本任睇，如果想拎返屋企只要捐献出五蚊，亦可以嚟做善事！唔似得荃湾区一般既餐厅人头涌涌，呢度嘅食客相对斯文、安静，我拎起一两本书籍翻看，增加我的书卷味！我们点了一个素食早餐， 包括有薯饼、炒蛋、茄汁豆、沙律菜、野蘑菇、牛角包，卖相都好吸引，薯饼金黄香脆，只系牛角包真系一个包既感觉，唔同牛角酥咁有牛油酥松口感！特饮点了香茅及橙，饮落去好有泰国feel！老公选择既三文鱼意大利粉，意大利粉爽口，材料丰富，而且唔会太咸烤杏仁咖啡，杏仁味丰富，又唔会盖过咖啡味